בס"ד

שטורעם אויפן אינטערנעט: קאמערציאלע פילאט אין מעקסיקא כאפט אומאידענטיפיצירטע פליענדע אביעקט (UFO) אויף ווידעאו

א קורצע 35-סעקונדע ווידעאו קליפ וואס איז געכאפט געווארן דורך א קאמערציאלע פילאט פון זיין קאקפיט, האט ארויסגערופן א פרישע כוואליע פון שפעקולאציעס איבער אומאידענטיפיצירטע פליענדע אביעקטן (UFOs) אין מעקסיקא. אינעם ווידעאו זעט מען א קליינע, טונקעלע, דיימאנט-געפארעמטע אביעקט וואס שוועבט רואיג אונטער די וואלקענעס.


מען קען קלאר הערן אויפן רעקארדירונג ווי די מאנשאפט אינעם קאבינע רעאגירן מיט וואונדער און שרעק, זעענדיג ווי דער מאדנער אביעקט רוקט זיך פאראויס אין הימל אן זיך צו ווארפן אדער טוישן ספיד, און פירט זיך בכלל נישט אויף ווי א געווענליכע עראפלאן אדער לופט-טראפיק.


די קליפ איז ארגינעל ארויסגעלייגט געווארן עטליכע טעג צוריק דורך א מעקסיקאנער UFO פארשער, און איז זינט דאן געווארן א וויירעל סענסאציע אויפן אינטערנעט, וואו טויזנטער מענטשן אנאליזירן יעדע סעקונדע פונעם ווידעאו. די מיינונגען זענען צעטיילט: טייל זאגן אז עס איז בלויז א דראון אדער א וועטער-באלאן וואס האט זיך פארבלאנדזשעט, בשעת א קלענערע אבער העכסט-אקטיווע גרופע זענען ביי די דעה אז דאס איז אן אמת'ע אומאידענטיפיצירטע פליענדע אביעקט.


דאס איז אבער נישט קיין איינצלינע פאל. ענליכע באריכטן איבער דיימאנט-געפארעמטע אביעקטן אין די מעקסיקאנער הימלען זענען שוין געהערט געווארן עטליכע מאל דורכאויס דעם יאר, סיי פון די לופטן און סיי פון די ערד. דאס ברענגט פילע צו גלייבן אז עס האנדלט זיך פון א פאקט, און עס קען נישט זיין סתם א צופאל.


דערווייל איז אבער קיין איינע פון די אינצידענטן, אריינגערעכנט די נייע קאקפיט ווידעאו, נישט באשטעטיגט געווארן דורך די אפיציעלע אוויאציע אטאריטעטן. אן קיין קראנטע ראדאר דאטא, אפיציעלע סטעיטמענטס פונעם פילאט, אדער א געהעריגע רעגירונגס אויספארשונג, קען מען נישט אויסשליסן אז דאס איז מעגליך א מיליטערישע דראון, א פארשונגס-באלאן, אדער סתם אן עראפלאן וואס איז געכאפט געווארן פון א מאדנע ווינקל.


דערווייל בלייבט די קליפ אן אומבאשטעטיגטע שטיקל ווידעאו וואס טרייבט מער שפעקולאציעס ווי קלארע ענטפערס. דער דיימאנט אינעם הימל בלייבט אומאידענטיפיצירט, אבער דער פובליק אויפן אינטערנעט ווארט נישט אויף קיין אפיציעלע באשטעטיגונגען צו מאכן זייערע אייגענע מסקנות איבער וואס זיי האבן דארט געזען.