א ריזיגע אויפגעבלאזענע פאמפקין קייקלט זיך ארום אויפן גאס פון שווערע שטורעם ווינטן
בס"ד
קאמישע סצענע: א ריזיגע אויפגעבלאזענע 'פאמפקין' כאפט א שפאציר אויפן גאס אינמיטן א שווערע שטורעם אין נארט קאראליינע
אינמיטן אן אומרואיגע וויקענד פון שווערע וועטערס אין נארט קאראליינע, האט זיך אפגעשפילט א קאמישע סצענע ווען א ריזיגע אויפגעבלאזענע 'פאמפקין' (קירבעס) האט זיך ארויסגעריסן פון איר פלאץ און אנגעהויבן קייקלען אויף די גאסן.
די מאדנע פאסירונג האט זיך אפגעשפילט דעם פארגאנגענעם אקטאבער 11, ווען די שטארקע ווינטן פונעם איבערגעבליבענעם שטורעם 'איסייעס' האבן אפגעריסן די גרויסע דעקאראציע פון א לאקאלע פארם אין די שטאט קערי, נעבן ראלי, און עס געשיקט כאפן א שפאציר אויף א פובליקע שאסיי.
אין א 'דעשקעם' ווידיאו וואס איז פארשפרייט געווארן און איז שנעל געווארן 'וויירעל' אויף די סאציאלע נעצן, זעהט מען ווי די מאסיווע פאמפקין קומט צו פליען מיט אן אימפעט גראד קעגן דעם קאר אויף א געדרייטע גאס. אינמיטן זעהט מען ווי א פארבייגייער אין א פוירפל שירט לויפט אונטער און פרובירט עס צו כאפן און אפשטעלן. צום סוף האט מען טאקע באוויזן צו כאפן דעם אנטלאפענעם פאמפקין און עס צוריקקערן צום פארם. די ווידיאו האט געברענגט א שמייכל פאר טויזנטער מענטשן אלס א זעלטענע קאמישע מאמענט אינמיטן אן אנגעצויגענעם וועטער וויקענד.
די פאסירונג איז געקומען אין א צייט וואס צענטראל נארט קאראליינע האט זיך געגרייט צו די איבערבלייבענישן פון אן ערנסטע שטורעם. דער שטורעם 'איסייעס' האט ארגינעל געלאנדעט אין פלארידע דעם 9'טן אקטאבער אלס א קאטעגאריע 2 הוריקעין, און האט זיך שפעטער אפגעשוואכט. אבער די איבערגעבליבענע ווינטן און רעגנס האבן געברענגט 'טארנעידא' ווארענונגען איבער די ראלי געגנט, אפגעשטעלט פליגערס ביים ראלי-דורכאם אינטערנאציאנאלע עירפארט, און געשטעלט ארום 20 קאונטיס אונטער א טארנעידא וואך.
מער אויף מערב זייט פונעם סטעיט האבן די שווערע רעגנס פאראורזאכט 'פלעש פלאדינג', וואסער רעטונגען, און ערד-גליטשן, ספעציעל ארום די טשימני ראק געגנט וואס ערהוילט זיך נאך פונעם שווערן הוריקעין 'העלין' פון יאר 2024.
קעגן דעם אנגעצויגענעם בילד פון די שווערע וועטערס, האט די קאמישע ווידיאו געגעבן א געלעגנהייט פאר מענטשן זיך אביסל צו ערוואוינען און כאפן א שמייכל. כאטש עס צייגט אויך ווי געפארפול עס קען זיין ווען שטארקע ווינטן פארוואנדלען אן אומשולדיגע דעקאראציע אין א סכנה אויפן שאסיי.
קאמישע סצענע: א ריזיגע אויפגעבלאזענע 'פאמפקין' כאפט א שפאציר אויפן גאס אינמיטן א שווערע שטורעם אין נארט קאראליינע
אינמיטן אן אומרואיגע וויקענד פון שווערע וועטערס אין נארט קאראליינע, האט זיך אפגעשפילט א קאמישע סצענע ווען א ריזיגע אויפגעבלאזענע 'פאמפקין' (קירבעס) האט זיך ארויסגעריסן פון איר פלאץ און אנגעהויבן קייקלען אויף די גאסן.
די מאדנע פאסירונג האט זיך אפגעשפילט דעם פארגאנגענעם אקטאבער 11, ווען די שטארקע ווינטן פונעם איבערגעבליבענעם שטורעם 'איסייעס' האבן אפגעריסן די גרויסע דעקאראציע פון א לאקאלע פארם אין די שטאט קערי, נעבן ראלי, און עס געשיקט כאפן א שפאציר אויף א פובליקע שאסיי.
אין א 'דעשקעם' ווידיאו וואס איז פארשפרייט געווארן און איז שנעל געווארן 'וויירעל' אויף די סאציאלע נעצן, זעהט מען ווי די מאסיווע פאמפקין קומט צו פליען מיט אן אימפעט גראד קעגן דעם קאר אויף א געדרייטע גאס. אינמיטן זעהט מען ווי א פארבייגייער אין א פוירפל שירט לויפט אונטער און פרובירט עס צו כאפן און אפשטעלן. צום סוף האט מען טאקע באוויזן צו כאפן דעם אנטלאפענעם פאמפקין און עס צוריקקערן צום פארם. די ווידיאו האט געברענגט א שמייכל פאר טויזנטער מענטשן אלס א זעלטענע קאמישע מאמענט אינמיטן אן אנגעצויגענעם וועטער וויקענד.
די פאסירונג איז געקומען אין א צייט וואס צענטראל נארט קאראליינע האט זיך געגרייט צו די איבערבלייבענישן פון אן ערנסטע שטורעם. דער שטורעם 'איסייעס' האט ארגינעל געלאנדעט אין פלארידע דעם 9'טן אקטאבער אלס א קאטעגאריע 2 הוריקעין, און האט זיך שפעטער אפגעשוואכט. אבער די איבערגעבליבענע ווינטן און רעגנס האבן געברענגט 'טארנעידא' ווארענונגען איבער די ראלי געגנט, אפגעשטעלט פליגערס ביים ראלי-דורכאם אינטערנאציאנאלע עירפארט, און געשטעלט ארום 20 קאונטיס אונטער א טארנעידא וואך.
מער אויף מערב זייט פונעם סטעיט האבן די שווערע רעגנס פאראורזאכט 'פלעש פלאדינג', וואסער רעטונגען, און ערד-גליטשן, ספעציעל ארום די טשימני ראק געגנט וואס ערהוילט זיך נאך פונעם שווערן הוריקעין 'העלין' פון יאר 2024.
קעגן דעם אנגעצויגענעם בילד פון די שווערע וועטערס, האט די קאמישע ווידיאו געגעבן א געלעגנהייט פאר מענטשן זיך אביסל צו ערוואוינען און כאפן א שמייכל. כאטש עס צייגט אויך ווי געפארפול עס קען זיין ווען שטארקע ווינטן פארוואנדלען אן אומשולדיגע דעקאראציע אין א סכנה אויפן שאסיי.
