אפדעיט איבער די 14-יעריגער סטודענט איז אומגעקומען און 23 אנדערע זענען פארוואונדעט געווארן פון א פארלאזטע חיזבאלא אויפרייס שטיק

שטייענדיג עטליכע שעה נאך די טראגישע אויפרייס אין צפון ארץ ישראל, וואו א 14-יעריגער סטודענט איז אומגעקומען און 23 אנדערע זענען פארוואונדעט געווארן פון א פארלאזטע חיזבאלא אויפרייס שטיק, ווערט באקאנט, אז די גרופע סטודענטן האבן זיך געהאט ארום געשפילט דערמיט בעפאר עס האט אויפגעריסן. לויט ווי עס ווערט באקאנט האבן זיי זיך ארום געשפילט דערמיט און זיך געשטעלט כאפן בילדער מיט די אפאראט אין די הענט בעפאר די טראגישע אויפרייס האט פאסירט.

מדינת ישראל באאמטע גלייבן מאמענטאל אז עס איז געווען אן אלטע חיזבאלא קלאסטער באמבע וואס איז געוורן איבערגעלאזט דורכאויס די מלחמות די לעצטע שטיק צייט. זיי זאגן אז מען ווארט נאך אויף א מער גרונטליכע אויספארשונג עס צו באשטעטיגן, אבער מאמענטאל קוקט עס אויז ווי א קלאסטער שטיק.

=

די אויפרייס האט פאסירט צווישן א גרופע קינדער און סדוענטן פון די 'אורט הויעך שולע' פון מעלות תרחישאָ, אין צייט וואס זיי זענען געווען אויף א הייק נעבן מצפֵּה פּאֵר. לויט ווי אויספארשער גלייבן האט די אויפרייס פאסירט ווען א סטודענט האט אפגעפונען א פארלאזטע אויפרייס שטיק פון א חיזבאלא ראקעט אדער עפעס ענליכס, און האט עס אריין געשטעלט אין זיין רוקנזאק וואו עס איז געלעגן עטליכע מינוט ביז עס האט אויפגעריסן. די געגענט וואו די אויפרייס האט פאסירט פלעגט גענוצט ווערן דורך מדינת ישראל אלץ פאזיציע צו אטאקירן חיזבאלא דורכאויס די מלחמה, און איז אפט געצילט געווארן דורך חיזבאלא אטאקעס. מדינת ישראל באאמטע פארשן יעצט אויס אויב די שולע טריפ האט געהאט אויטאריזאציע, און אויב יא צו די אויטאריזאציע איז אריבער די ריכטיגע מענטשען.