א באזוך אין די קהילה קדושה 'אור חדש דרבינו יואל' פון גוואטאמאלא, די גרים קהילה, וואו מ'זעט א טאג חול המועד ביי די גרים, דאס דאווענען חול המועד, שאקלן נענועים, סעודת חול המועד, ריקודין לכבוד שמחת יום טוב און נאך. 
דער הויכפונקט איז א ברית פאר איינע פון די גרים וואס איז פארגעקומען אין א תפיסה אין גוואטאמאלא. דער בארימטער פילנטראפ תומך ומוקיר תורה הרבני הנגיד ר' יוסי איצקאוויטש פון די פירמע "טויס. פאר. יו." איז ספעציעל געקומען צו פארן מיט א גאנצע דעלעגאציע פון ניו יארק, און זיי האבן געפראוועט דער מעמד ברית מילה. יוסי איז מכובד געווארן מיט סנדקאות. און דער מוהל איז געווען הרב יעקב טעללער שליט"א, אן  עסקן פאר די בליענדע קהילה. 
אין שפיץ פון די דעלעגאציע איז געווען דער איש חי ורב פעלים לטובת הקהילה הרב הגאון רבי עזרא משה כאירה שליט"א, וואס איז דער סאמע הויפט עסקן ואיש המעש לכל צרכי הקהילה. ער וואוינט אין וויליאמסבורג, איז איז פון די מוצי"ם אין קהל יטב לב דסאטמאר.