טראמפ טענה'ט אז די בראזילע וואלן זענען געפעלשט געווארן נאכדעם וואס לולא האט געווינען א פערטע טערמין
בס"ד
טראמפ: "די בראזילער וואלן זענען מעגליך געווען געפעלשט"
פרעזידענט טראמפ זאגט אז די צווייטע רונדע פון די פרעזידענטליכע וואלן אין בראזיל "האט אויסגעזען ווי נאך א געפעלשטע עלעקשאן," כאטש ער האט צוגעלייגט אז ער נעמט נישט קיין זייט. טראמפ האט געזאגט פאר רעפארטערס אז די גאנצע זאך זעט אים אויס זייער שלעכט, און אז וואלן דארפן זיין קלאר און אומבאשטרייטבאר, אבער ער האט נישט צוגעשטעלט קיין שום באווייזן צו זיינע טענות.
דער איצטיגער פרעזידענט לואיז אינאסיא לולא דא סילווא האט געוואונען אן אומפרעצעדענטליכן פערטן טערמין מיט 51.79 פראצענט פון די שטימען, קעגן פלאוויא באלסאנארא וואס האט באקומען 48.21 פראצענט - א דיפערענץ פון מער ווי פיר מיליאן שטימען. א טייל פון די קאנטראווערסיע ארום די וואלן איז געקומען נאכדעם וואס די סופרים קאורט האט אין די לעצטע מינוט באשלאסן צו פארלענגערן די שטים-שטונדן מיט נאך צוויי שעה, א שריט וואס טראמפ האט אנגערופן "זייער מאדנע."
פלאוויא באלסאנארא האט זיך קודם אנטזאגט צו קאנסידין און אנערקענען זיין נידערלאגע, זאגנדיג אז ער וועט פרובירן צו אנולירן די רעזולטאטן. אבער שפעטער האט זיין 'ליבעראלע פארטיי' ארויסגעגעבן א סטעיטמענט וואו זיי אנערקענען לולא'ס געווינס. דער בראזילער ווייס-פרעזידענט דזשעראלדא אלקימין האט זיך אנגענומען פארן לאנד'ס עלעקשאן סיסטעם, און האט אראפגעריסן טראמפ'ס ווערטער אלס "גענצליך אומריכטיג" און "אומבאגרינדעט."
די איצטיגע קאנטראווערסיע דערמאנט פון טראמפ'ס אייגענע טענות נאך זיין פארלוסט אין 2020, ווי אויך די רעאקציע פון פלאוויא'ס טאטע, דער געוועזענער פרעזידענט זשעאיר באלסאנארא, וועלכער האט זיך אנטזאגט צו אקצעפטירן זיין נידערלאגע אין 2022. זשעאיר האט שפעטער באקומען א 27-יעריגע טורמע אורטייל פארן פלאנירן אן איבערקערעניש.
אין די זעלבע צייט האט די 'רויטערס' נייעס אגענטור באריכטעט אז באאמטע אינעם אמעריקאנער סטעיט דעפארטמענט האבן געפירט א קאמפיין צוריקצוברענגען די באלסאנארא פאמיליע צו דער מאכט, טראץ דעם וואס טראמפ האט נישט אפיציעל אינדארסירט קיין קאנדידאט בעפאר די וואלן.
די הויפט פראגעס יעצט זענען צי פלאוויא באלסאנארא וועט ווייטער גיין מיט לעגאלע קלאגעס אין געריכט, און וויאזוי דער געפעכט וועט אפעקטירן די באציאונגען צווישן וואשינגטאן און בראזיליע.
טראמפ: "די בראזילער וואלן זענען מעגליך געווען געפעלשט"
פרעזידענט טראמפ זאגט אז די צווייטע רונדע פון די פרעזידענטליכע וואלן אין בראזיל "האט אויסגעזען ווי נאך א געפעלשטע עלעקשאן," כאטש ער האט צוגעלייגט אז ער נעמט נישט קיין זייט. טראמפ האט געזאגט פאר רעפארטערס אז די גאנצע זאך זעט אים אויס זייער שלעכט, און אז וואלן דארפן זיין קלאר און אומבאשטרייטבאר, אבער ער האט נישט צוגעשטעלט קיין שום באווייזן צו זיינע טענות.
דער איצטיגער פרעזידענט לואיז אינאסיא לולא דא סילווא האט געוואונען אן אומפרעצעדענטליכן פערטן טערמין מיט 51.79 פראצענט פון די שטימען, קעגן פלאוויא באלסאנארא וואס האט באקומען 48.21 פראצענט - א דיפערענץ פון מער ווי פיר מיליאן שטימען. א טייל פון די קאנטראווערסיע ארום די וואלן איז געקומען נאכדעם וואס די סופרים קאורט האט אין די לעצטע מינוט באשלאסן צו פארלענגערן די שטים-שטונדן מיט נאך צוויי שעה, א שריט וואס טראמפ האט אנגערופן "זייער מאדנע."
פלאוויא באלסאנארא האט זיך קודם אנטזאגט צו קאנסידין און אנערקענען זיין נידערלאגע, זאגנדיג אז ער וועט פרובירן צו אנולירן די רעזולטאטן. אבער שפעטער האט זיין 'ליבעראלע פארטיי' ארויסגעגעבן א סטעיטמענט וואו זיי אנערקענען לולא'ס געווינס. דער בראזילער ווייס-פרעזידענט דזשעראלדא אלקימין האט זיך אנגענומען פארן לאנד'ס עלעקשאן סיסטעם, און האט אראפגעריסן טראמפ'ס ווערטער אלס "גענצליך אומריכטיג" און "אומבאגרינדעט."
די איצטיגע קאנטראווערסיע דערמאנט פון טראמפ'ס אייגענע טענות נאך זיין פארלוסט אין 2020, ווי אויך די רעאקציע פון פלאוויא'ס טאטע, דער געוועזענער פרעזידענט זשעאיר באלסאנארא, וועלכער האט זיך אנטזאגט צו אקצעפטירן זיין נידערלאגע אין 2022. זשעאיר האט שפעטער באקומען א 27-יעריגע טורמע אורטייל פארן פלאנירן אן איבערקערעניש.
אין די זעלבע צייט האט די 'רויטערס' נייעס אגענטור באריכטעט אז באאמטע אינעם אמעריקאנער סטעיט דעפארטמענט האבן געפירט א קאמפיין צוריקצוברענגען די באלסאנארא פאמיליע צו דער מאכט, טראץ דעם וואס טראמפ האט נישט אפיציעל אינדארסירט קיין קאנדידאט בעפאר די וואלן.
די הויפט פראגעס יעצט זענען צי פלאוויא באלסאנארא וועט ווייטער גיין מיט לעגאלע קלאגעס אין געריכט, און וויאזוי דער געפעכט וועט אפעקטירן די באציאונגען צווישן וואשינגטאן און בראזיליע.
