בס"ד


פעדעראלע אויספארשונג פארברייטערט זיך: עף-בי-איי פירט דורך אבלאווע אויף א בעווערלי הילס מענשאן אין פארבינדונג מיטן געוועזענעם קאנגרעסמאן עריק סוואלוועל


פעדעראלע אויספארשער זענען צוריק אין די נייעס נאך באריכטן איבער אן עף-בי-איי אבלאווע (רעיד) אויף א רייכע מענשאן אין בעווערלי הילס, וואס איז אנגעבליך פארבונדן צו די אנגייענדע אויספארשונג ארום דעם געוועזענעם דעמאקראטישן קאנגרעסמאן עריק סוואלוועל.


אומקלארע ווידעא קליפס פון ביינאכט צייגן פאליציי קארס מיט בליצנדיגע לעמפלעך אינדרויסן פון א פארמאכטע פראפערטי. כאטש די פונקטליכע לאקאציע און אומשטענדן פון די אפעראציע, וואס איז לויט באריכטן פארגעקומען דעם 27'סטן אקטאבער, פאדערט נאך אן אומאפהענגיגע באשטעטיגונג.


די יעצטיגע אנטוויקלונג קומט אינמיטן א ברייטע פעדעראלע אויספארשונג איבער ערנסטע קלאגעס פון אומאיידעלע אויפפירונגען דורך עטליכע פרויען, אריינגערעכנט א געוועזענע ארבעטערין (סטעפער). סוואלוועל לייקנט שטארק אפ די באשולדיגונגען און זאגט אז ער פלאנט זיך צו שלאגן דעקעגן. אויב די באריכטן זענען אמת, איז דאס נאך א גרויסע שריט אין א קעיס וואס האט געצויגן נאציאנאלע אויפמערקזאמקייט צוליב דעם קאנגרעסמאן'ס הויכע פאליטישע פראפיל און די ערנסטקייט פון די קלאגעס.


די יעצטיגע אבלאווע קומט נאך פריערדיגע פעדעראלע זוך-אקציעס אין אויגוסט 2026, ווען אגענטן האבן אדורכגעזוכט סוואלוועל'ס וואשינגטאן די-סי רעזידענץ און קאנפיסקירט עלעקטראנישע דיווייסעס אלס טייל פון די אויספארשונג. ווי באקאנט האט סוואלוועל רעזיגנירט פון קאנגרעס אין אפריל נאכדעם וואס די קלאגעס זענען ארויפגעשווימען, און ער האט זיך אויך ארויסגעצויגן פון די פארמעסט פאר קאליפארניע גאווערנאר.


די קעיס איז אויך צוריק ארויפגעקומען אויפן אויבערפלאך נאך די פובליקאציע פון דעקלאסיפיצירטע דאקומענטן איבער זיינע פארגאנגענע פארבינדונגען מיט קריסטין פאנג, א פארדעכטיגטע כינעזע שפיאן. באריכטן האבן אנגעוויזן אז סוואלוועל איז נישט באשולדיגט געווארן אין קיין שום פארברעכן אין די פריערדיגע עף-בי-איי אויספארשונג איבער פאנג, און די צוויי קעיסעס זענען גענצליך באזונדערע אויספארשונגען. די פובליקאציע פון די שפיאנאזש דאקומענטן באשטעטיגט נישט קיין קרימינאלע אקטן אין די יעצטיגע אויספארשונג.


דערווייל בלייבט אומקלאר די פונקטליכע פארבינדונג פון די בעווערלי הילס רעיד צו סוואלוועל, וועלכע באווייזן די אגענטן האבן געזוכט, און וואספארא לעגאלע קאנסעקווענצן דאס קען ברענגען, ביז די אויטאריטעטן וועלן ארויסקומען מיט אן אפיציעלע באשטעטיגונג.