שעריף קראניסטער גיט ארויס די נעמען פונעם שיסער און קרבן נאך די טראגישע אטאקע ביי סיטיבענק אין פלארידע
בס"ד
טראגעדיע אין פלארידע: באוואפנטער מאן רייסט אריין אין א 'סיטיבענק' קעמפוס און שיסט צום טויט אן אומשולדיגע פרוי
הילסבארא קאונטי שעריף טשעד קראניסטער האט אידענטיפיצירט דעם שיסער אינעם טויטליכן אינצידענט וואס איז פארגעקומען מיטוואך ביי א 'סיטיבענק' קעמפוס נעבן טעמפא, פלארידע. דער פארברעכער איז דער 35-יעריגער דזשעיקאב פירסאן פון ארלאנדא, און די קרבן איז די 41-יעריגע ליען סעלמאן פון פאלם הארבאר, וועלכע האט געארבעט פאר סיטיבענק פאר ניין יאר אלס א 'לערנינג אדווייזער' אין די פירמע'ס סעקיוריטי און אינוועסטיגעישאן אפטיילונג.
לויט ווי דער שעריף גיט איבער, האט פירסאן אריינגעקראכט מיט זיין קאר דורך א טויער פונעם הויף קורץ נאך האלבן טאג, און האט געשאסן אויף סעלמאן. דער שעריף האט קלארגעשטעלט אז די פרוי האט נישט געהאט קיין שום פארבינדונג מיט פירסאן, און זי איז פשוט געווען אויפן אומריכטיגן פלאץ אין די אומריכטיגע צייט. פירסאן, וועלכער האט נישט געהאט קיין פריערדיגע קרימינאלע רעקארד, איז שפעטער געשטארבן אין שפיטאל נאכדעם וואס א סיטיבענק סעקיוריטי גארד האט זיך ארומגעשאסן מיט אים אינעם קאמפלעקס. דעטעקטיווס האבן דערווייל נישט געזאגט פארוואס ער האט אויסגעקליבן סעלמאן אדער צי ער האט געצילט נאך עמיצן.
דער שעריף זאגט אז די מאטיוו אונטער די בלוטיגע אטאקע פירט צוריק צו א געריכטליכע קעיס איבער א חוב פון 2,500 דאלאר וואס ער איז געווען שולדיג פאר סיטיבענק. יענעם אינדערפרי האט פירסאן אנגערופן די לאיער אפיס וואס האט זיך אפגעגעבן מיט די קאלעקשען און האט געמאכט סטראשונגען. ארלאנדא פאליציי זענען אראפגעפארן צו זיין הויז פאר א 'וועלפעיר טשעק' נאכן באקומען דעם רוף, אבער זיי האבן אים נישט געטראפן דארט. זיין פרוי קאאפערירט יעצט מיט די אויספארשער.
שעריף קראניסטער האט אויסגעלויבט דעם סעקיוריטי גארד, דזשאן פרעילי, א וועטעראן פון די מארין קארפס, אנרופנדיג אים א העלד. ער האט אנגעוויזן אז זיין שנעלע רעאקציע האט ווארשיינליך פארמיטן א פיל גרעסערע טראגעדיע, נעמענדיג אין באטראכט אז ארום 3,200 ארבעטער זענען געווען אויפן קעמפוס אין יענע צייט. פיר אנדערע מענטשן האבן געזוכט מעדיצינישע הילף נאכן אינצידענט, אבער דער שעריף האט באטאנט אז קיינער פון זיי איז נישט פארוואונדעט געווארן פון קוילן.
וויבאלד דער שיסער איז טויט, וועט נישט פארקומען קיין טרייעל, אבער די אינוועסטיגעיטארס ארבעטן ווייטער צוזאמצושטעלן די שטיקלעך פון וואס פונקטליך עס האט זיך אפגעשפילט און ווי אזוי די ווארענונג צייכנס זענען אנטוויקלט געווארן בעפאר די טראגעדיע.
טראגעדיע אין פלארידע: באוואפנטער מאן רייסט אריין אין א 'סיטיבענק' קעמפוס און שיסט צום טויט אן אומשולדיגע פרוי
הילסבארא קאונטי שעריף טשעד קראניסטער האט אידענטיפיצירט דעם שיסער אינעם טויטליכן אינצידענט וואס איז פארגעקומען מיטוואך ביי א 'סיטיבענק' קעמפוס נעבן טעמפא, פלארידע. דער פארברעכער איז דער 35-יעריגער דזשעיקאב פירסאן פון ארלאנדא, און די קרבן איז די 41-יעריגע ליען סעלמאן פון פאלם הארבאר, וועלכע האט געארבעט פאר סיטיבענק פאר ניין יאר אלס א 'לערנינג אדווייזער' אין די פירמע'ס סעקיוריטי און אינוועסטיגעישאן אפטיילונג.
לויט ווי דער שעריף גיט איבער, האט פירסאן אריינגעקראכט מיט זיין קאר דורך א טויער פונעם הויף קורץ נאך האלבן טאג, און האט געשאסן אויף סעלמאן. דער שעריף האט קלארגעשטעלט אז די פרוי האט נישט געהאט קיין שום פארבינדונג מיט פירסאן, און זי איז פשוט געווען אויפן אומריכטיגן פלאץ אין די אומריכטיגע צייט. פירסאן, וועלכער האט נישט געהאט קיין פריערדיגע קרימינאלע רעקארד, איז שפעטער געשטארבן אין שפיטאל נאכדעם וואס א סיטיבענק סעקיוריטי גארד האט זיך ארומגעשאסן מיט אים אינעם קאמפלעקס. דעטעקטיווס האבן דערווייל נישט געזאגט פארוואס ער האט אויסגעקליבן סעלמאן אדער צי ער האט געצילט נאך עמיצן.
דער שעריף זאגט אז די מאטיוו אונטער די בלוטיגע אטאקע פירט צוריק צו א געריכטליכע קעיס איבער א חוב פון 2,500 דאלאר וואס ער איז געווען שולדיג פאר סיטיבענק. יענעם אינדערפרי האט פירסאן אנגערופן די לאיער אפיס וואס האט זיך אפגעגעבן מיט די קאלעקשען און האט געמאכט סטראשונגען. ארלאנדא פאליציי זענען אראפגעפארן צו זיין הויז פאר א 'וועלפעיר טשעק' נאכן באקומען דעם רוף, אבער זיי האבן אים נישט געטראפן דארט. זיין פרוי קאאפערירט יעצט מיט די אויספארשער.
שעריף קראניסטער האט אויסגעלויבט דעם סעקיוריטי גארד, דזשאן פרעילי, א וועטעראן פון די מארין קארפס, אנרופנדיג אים א העלד. ער האט אנגעוויזן אז זיין שנעלע רעאקציע האט ווארשיינליך פארמיטן א פיל גרעסערע טראגעדיע, נעמענדיג אין באטראכט אז ארום 3,200 ארבעטער זענען געווען אויפן קעמפוס אין יענע צייט. פיר אנדערע מענטשן האבן געזוכט מעדיצינישע הילף נאכן אינצידענט, אבער דער שעריף האט באטאנט אז קיינער פון זיי איז נישט פארוואונדעט געווארן פון קוילן.
וויבאלד דער שיסער איז טויט, וועט נישט פארקומען קיין טרייעל, אבער די אינוועסטיגעיטארס ארבעטן ווייטער צוזאמצושטעלן די שטיקלעך פון וואס פונקטליך עס האט זיך אפגעשפילט און ווי אזוי די ווארענונג צייכנס זענען אנטוויקלט געווארן בעפאר די טראגעדיע.
