בס"ד

 

בני ברק: שווערע רעגנס פלייצן איבער דעם ראדזינער ביהמ"ד איבער שבת


 

מתפללים וועלכע זענען געקומען אין שול שבת אינדערפרי צום דאווענען שחרית אין דעם ראדזינער ביהמ"ד אין בני ברק, זענען אנטקעגנגעקומען א שאקירנדע בילד, ווען דאס גאנצע ביהמ"ד איז געווען איבערגעפלייצט מיט וואסער און בלאטע נאך די שווערע רעגנס וואס זענען געפאלן איבער שבת.


 

די פארפלייצונג איז געקומען אלס רעזולטאט פון א מעכטיגע שטורעם וואס האט ארומגענומען גאנץ ארץ ישראל. די שווערע רעגנס האבן איבערגעפילט די דרעינידזש סיסטעמען, וואס האט געפירט צו ערנסטע פארפלייצונגען אין עטליכע געגנטער.


 

בילדער פונעם ביהמ"ד צייגן ווי דאס וואסער האט אינגאנצן איבערגעדעקט די פלארס, וואס האט געשאפן גאר שווערע אומשטענדן פאר די מתפללים וואס זענען געקומען דאווענען.


 

דער אינצידענט אין ראדזינער ביהמ"ד איז בלויז איינס פון עטליכע פעלער פון פארפלייצונגען וואס זענען באריכטעט געווארן איבער די שטאט בני ברק דורכאויס דעם שווערן שטורעם.