צוויי וואסער טארנעדאס האבן זיך פארמירט העכער די קאפרי אינזל אין איטאליע
בס"ד
דראמאטישע סצענע: צוויי ריזיגע 'וואסער-טארנעידאס' פארמירן זיך אויפאמאל נעבן באקאנטן אינזל אין איטאליע
א דראמאטישע ווידעא פונעם איטאליענישן אינזל 'קאפרי' מאכט יעצט כוואליעס אויפן אינטערנעט, וואו מען זעט ווי צוויי ריזיגע וואסער-טארנעידאס פארמירן זיך אין די זעלבע צייט פונקט פארנט פון די בארימטע 'פאראגליאני' שטיינער.
די דרייענדיגע זיילן זעען אויס ווי זיי פאלן אראפ פון די טונקעלע, שטורמישע וואלקענעס דירעקט צום ים, וואס שאפט א מורא'דיגע סצענע ארום איינע פון איטאליע'ס מערסט-באקאנטע לאנדמארקס. די פאראגליאני זענען דריי ריזיגע פעלזן-שטיינער וואס שטעקן זיך ארויס פונעם וואסער הארט נעבן דעם אינזל, און זענען אויסגעפארעמט געווארן דורכאויס די יארן דורך ווינטן, רעגן און כוואליעס, וואס מאכט דעם בילד נאך מער ספעקטאקולער. די ווידעא פונעם דאפלטן וואסער-טארנעידא האט זיך שנעל פארשפרייט דורכאויס דעם וויקענד, און טויזנטער צושויער זענען איבערגענומען פונעם וואונדערליכן ספעקטאקל.
אזעלכע סארט וואסער-טארנעידאס פארמירן זיך געווענליך ווען די ווארימע וואסערן פונעם מיטלענדישן ים טרעפן זיך מיט קילערע לופט, וואס פירט דערצו אז די פייכטע לופט זאל זיך הייבן גאר שנעל און זיך אויסציען אין א דרייענדיגע ווירבל-ווינט וואס באהעפט דעם אויבערפלאך פונעם ים צו די וואלקענעס אין הימל.
הגם אזעלכע נאטורליכע ערשיינונגען זענען גאנץ אפט אינעם מיטלענדישן ים אין די ענדע זומער און הארבסט מאנאטן, איז אבער צו זען צוויי שטיק פארמירט ווערן איינס נעבן צווייטן פארנט פון אזא באקאנטע פלאץ פיל זעלטענער, וואס דאס ערקלערט פארוואס די קליפ איז געווארן אזוי וויירעל. די סצענע ברענגט ארויף אסאך פראגעס, אריינגערעכנט ווי געפארפול אזעלכע וואסער-טארנעידאס קענען זיין פאר שיפלעך נעבן דעם ברעג, פארוואס זיי קומען אפיר אין גרופעס, און צי עס איז ערווארטעט נאך אזעלכע ערשיינונגען וויבאלד דאס וועטער האלט אין איין טוישן ריכטונגען אינעם יעצטיגן סעזאן.
דראמאטישע סצענע: צוויי ריזיגע 'וואסער-טארנעידאס' פארמירן זיך אויפאמאל נעבן באקאנטן אינזל אין איטאליע
א דראמאטישע ווידעא פונעם איטאליענישן אינזל 'קאפרי' מאכט יעצט כוואליעס אויפן אינטערנעט, וואו מען זעט ווי צוויי ריזיגע וואסער-טארנעידאס פארמירן זיך אין די זעלבע צייט פונקט פארנט פון די בארימטע 'פאראגליאני' שטיינער.
די דרייענדיגע זיילן זעען אויס ווי זיי פאלן אראפ פון די טונקעלע, שטורמישע וואלקענעס דירעקט צום ים, וואס שאפט א מורא'דיגע סצענע ארום איינע פון איטאליע'ס מערסט-באקאנטע לאנדמארקס. די פאראגליאני זענען דריי ריזיגע פעלזן-שטיינער וואס שטעקן זיך ארויס פונעם וואסער הארט נעבן דעם אינזל, און זענען אויסגעפארעמט געווארן דורכאויס די יארן דורך ווינטן, רעגן און כוואליעס, וואס מאכט דעם בילד נאך מער ספעקטאקולער. די ווידעא פונעם דאפלטן וואסער-טארנעידא האט זיך שנעל פארשפרייט דורכאויס דעם וויקענד, און טויזנטער צושויער זענען איבערגענומען פונעם וואונדערליכן ספעקטאקל.
אזעלכע סארט וואסער-טארנעידאס פארמירן זיך געווענליך ווען די ווארימע וואסערן פונעם מיטלענדישן ים טרעפן זיך מיט קילערע לופט, וואס פירט דערצו אז די פייכטע לופט זאל זיך הייבן גאר שנעל און זיך אויסציען אין א דרייענדיגע ווירבל-ווינט וואס באהעפט דעם אויבערפלאך פונעם ים צו די וואלקענעס אין הימל.
הגם אזעלכע נאטורליכע ערשיינונגען זענען גאנץ אפט אינעם מיטלענדישן ים אין די ענדע זומער און הארבסט מאנאטן, איז אבער צו זען צוויי שטיק פארמירט ווערן איינס נעבן צווייטן פארנט פון אזא באקאנטע פלאץ פיל זעלטענער, וואס דאס ערקלערט פארוואס די קליפ איז געווארן אזוי וויירעל. די סצענע ברענגט ארויף אסאך פראגעס, אריינגערעכנט ווי געפארפול אזעלכע וואסער-טארנעידאס קענען זיין פאר שיפלעך נעבן דעם ברעג, פארוואס זיי קומען אפיר אין גרופעס, און צי עס איז ערווארטעט נאך אזעלכע ערשיינונגען וויבאלד דאס וועטער האלט אין איין טוישן ריכטונגען אינעם יעצטיגן סעזאן.
