אפגעכאפט אויף קעמערע: א BYD יאנגוואנג U8 קאר אין שאנכיי קריכט ארויף א גאר שיפע רעמפ
א נייע ווידעאו וואס צירקולירט אויפן אינטערנעט ציט די אויפמערקזאמקייט פון פילע, וואו מען זעט ווי די BYD 'יאנגוואנג U8' לוקסוסריעזע SUV פארט ארויף א ספעציעל-געבויטע 45-דעגרי רעמפ אין שאנכיי, כינע, ווען מען קען זען די באקאנטע פודאנג סקייליין אין די בעקראונד.
א 45-דעגרי שיפקייט איז פיל סטעפער ווי סיי וועלכע נארמאלע גאס, און די סצענע זעט אויס מער ווי א סטאנט ווי א געווענליכע דרייוו. די קליפ איז געמאכט געווארן צו ווייזן די מעכטיגע קראפט פונעם קאר צו קריכן אויף בערג און אומגראדע וועגן (אוו-ראוד). דאס איז א טייל פון א רייע פובליק דעמאנסטראציעס וואס די BYD קאמפאני נוצט צו פראמאטן דעם מאדעל. פריערדיגע סטאנטס האבן אריינגערעכנט ווי די קאר שווימט אויף וואסער אין אן עמערדזשענסי מאוד, און ווי עס דרייט זיך ארום אויפן פלאץ פונקט ווי א טאנק (טאנק טורן).
אויפן פאפיר איז די U8 טאקע געבויט זיך צו ספראווען מיט אזעלכע טשעלענדזשעס. עס פארמאגט פיר עלעקטריק מאטארן - איינס פאר יעדע רעדל - מיט א קאמבינירטע קראפט פון ארום 1,100 הארספאוער אדער מער. די אינסטענט טארק און די קאנטראל אויף יעדע רעדל באזונדער איז דאס וואס געט אים די מעגליכקייט זיך אנצוכאפן אויף אזעלכע שיפע פלעצער. די קאר קומט אויך מיט א 1.5 ליטער געז מאטאר וואס דינט אלס א 'רעינדזש עקסטענדער', דאס הייסט עס פראדוצירט עלעקטריסיטי אנשטאט צו טרייבן די רעדער דירעקט.
די BYD קאמפאני נוצט אזעלכע פובליק דעמאנסטראציעס אויפצובויען די רעפוטאציע פון זייער טייערע 'יאנגוואנג' ברענד און זייער וואקסנדע ליניע פון פארגעשריטענע כינעזע אוו-ראוד SUV's. דערווייל בלייבן די צושויער מיט וואונדער ווי אזוי די רעמפ איז געבויט געווארן, צו די קאר איז געווארן ספעציעל מאדיפיצירט פאר דעם סטאנט, און ווי אזוי עס וואלט זיך געספראוועט אויף אן עכטע בארג אנשטאט א ספעציעל-געבויטע שיפקייט.
