בס"ד

מאסיווע פאליציי אקציע אין ארץ ישראל: ארום 50 ארעסטירט אין א גרויסע עקסטארשן אויספארשונג


ארום 500 פאליציי אפיצירן אין ארץ ישראל האבן דעם מאנטאג, נאוועמבער 9, דורכגעפירט א ברייט-פארצווייגטע און קאארדינירטע אקציע איבער צענדליגע לאקאציעס, וואו זיי האבן ארעסטירט ארום 50 פארדעכטיגטע אין א גרויסע עקסטארשן אויספארשונג.


די מאסיווע אפעראציע קומט נאך א צען-מאנאטליכע 'אונטערקאווער' אינוועסטיגעישאן אויף קרימינאלע נעצן, וועלכע זענען פארדעכטיגט געווארן אין פאדערן מיליאנען שקלים פון קאנסטראקשן קאנטראקטארס און לאקאלע ביזנעסער דורך אזוי-גערופענע 'פראטעקשאן' אפצאלן.


צווישן די ארעסטירטע געפינט זיך א פירער פון א לאקאלע קאונסיל אין צפון ארץ ישראל, אינאיינעם מיט אנדערע פערזאנען וועלכע זענען פארדעכטיגט מיט פארבינדונגען צו ארגאניזירטע פארברעכן.


די פאליציי האט ארויסגעגעבן ווידעא פוטעדזש פון די רעידס און ארעסטן, בעת די אויטאריטעטן זעצן פאר מיט די אויספארשונג אויף די פארדעכטיגטע עקסטארשן נעצן.