אוקראינע צעשמעטערט דעם קרימיע בריק: ריזיגער טייל פונעם בריק איינגעפאלן אין וואסער נאך מאסיווע אטאקעס


ארכיוו ווידעאס וואס צייגן ווי מען שטעלט ארויף דעם ריזיגן בויגן פונעם קרימיע בריק זענען יעצט צוריק ארויפגעשווימען און באקומען א נייע באדייט, נאך באריכטן אז די מאסיווע סטרוקטור איז איינגעפאלן אינעם קערטש סטרעיט נאך שווערע אוקראינישע אטאקעס דעם נאוועמבער 16 און 17, 2026. דער 227-מעטער לאנגער שטאלענער בויגן, וואס וועגט ארום 5,500 טאן, איז ארגינעל אינסטאלירט געווארן דורך א קאמפליצירטע אפעראציע מיט ריזיגע קרעינס און שיפן.


לויט די באריכטן איבער די אטאקע, האבן די אוקראינישע קרעפטן דורכגעפירט א קאמפליצירטע זיבן-פאזיגע אפעראציע וואס האט זיך געצויגן עטליכע וואכן, מיטן ציל צו אראפקלאפן די רוסישע לופט פארטיידיגונג סיסטעמען. ערשט דערנאך האבן זיי באמבארדירט דעם בריק מיט דראונס און 'פלאמינגא' קרוז מיסילס. די אטאקעס האבן אינגאנצן חרוב געמאכט דעם הויפט בויגן פונעם שאסיי און געשעדיגט א טייל פונעם וועג. דערנעבן איז דער באן-בריק בויגן אויך געשעדיגט געווארן, אבער איז געבליבן שטיין. די פארנעם פון די חורבן ברענגט ארויף ערנסטע פראגעס איבער רוסלאנד'ס מעגליכקייט צו באשיצן איינע פון אירע וויכטיגסטע טראנספארטאציע רוטס צום אקופירטן קרימיע האלב-אינזל.


דער קרימיע בריק דינט אלס א סטראטעגישע פארבינדונג צווישן רוסלאנד און דעם האלב-אינזל, און ווערט באנוצט צו טראנספארטירן ברענשטאף, וואפן, מיליטערישע עקוויפמענט און סאלדאטן. די יעצטיגע שאדנס קען שטארק קאמפליצירן די רוסישע לאגיסטיקס נישט נאר אין קרימיע, נאר אויך אין די אקופירטע געגנטער אין דרום אוקראינע, וואס וועט צווינגען מאסקווע צו זוכן אנדערע טראנספארטאציע וועגן.


די אנדערע ערד-רוטס דורך די אקופירטע טעריטאריעס האבן אבער זייערע אייגענע זיכערהייט און לאגיסטישע פראבלעמען, ספעציעל אויב די אוקראינישע קרעפטן וועלן ווייטער צילן די מיליטערישע סופליי אינפראסטרוקטור. רוסישע באאמטע גרייטן זיך שוין מיט פלענער צו פאררעכטן דעם בריק, בעת דער טראפיק ווערט דערווייל אריבערגעפירט צו אנדערע וועגן. עס בלייבט אבער א גרויסע פראגע צייכן איבער די פונקטליכע צושטאנד פונעם בריק און ווי לאנג עס וועט דויערן צוריקצושטעלן נארמאלע טראפיק. דער אינצידענט שטרייכט אונטער די שוואכקייט פון קריטישע אינפראסטרוקטור אין די יעצטיגע מלחמה און די שווערע קאנסעקווענצן וואס דאס קען האבן אויף רוסלאנד'ס מיליטערישע סופליי נעצן.