דרייווער אומגעקומען נאכדעם וואס א טרעין קראכט אריין אין א קאר אין נאנועט
טראגישער עקסידענט אין נאנועט נעבן מאנסי: א דרייווער איז אומגעקומען נאכן ווערן אריינגעקראכט דורך א טרעין
א טראגישע עקסידענט האט פאסירט מיטוואך אינדערפרי, נאוועמבער דעם 18'טן, ווען אן 'ען-דזשעי טרענזיט' טרעין האט אריינגעקראכט אין א קאר ביי א באן-אריבערגאנג אויף ניו קלארקסטאון ראוד אין נאנועט, הארט נעבן מאנסי, וואס האט ליידער געקאסט דאס לעבן פונעם דרייווער.
לאקאלע פאליציי, פייער דעפארטמענט און עמערדזשענסי קרוס זענען תיכף אראפגערופן געווארן צום סצענע. ברוך השם איז קיינער פון די פאסאזשירן אדער די מאנשאפט אויפן טרעין נישט געשעדיגט געווארן אינעם עקסידענט.
דער שרעקליכער צוזאמענשטויס האט געפירט צו אן איבעררייס אין די טרעין סערוויסעס אויף די 'פאסקעק וועלי ליין' פון די ען-דזשעי טרענזיט, צווישן ספרינג וועלי און נאנועט.
לויט ווי די אויטאריטעטן גיבן איבער, זענען די געיטס ביים אריבערגאנג געווען אראפגעלאזט בשעת דעם קראך. די פאליציי פירט יעצט אדורך אן אויספארשונג צו דערגיין די פונקטליכע אורזאך פונעם עקסידענט.