צה"ל פארניכטעט א חיזבאללה טונעל: אונטערערדישע קאמענד צענטערס און וואוינונגס צימערן אויפגעדעקט נעבן הר דוב
צה"ל רייסט אויף א ריזיגע חיזבאללא טונעלן-קאמפלעקס אין דרום לבנון
די מדינת ישראל מיליטער האט אנטדעקט און פארניכטעט א גרויסע אונטערערדישע טונעלן-קאמפלעקס פון די חיזבאללא טעראר גרופע נעבן הר דוב אין דרום לבנון. די קאמפלעקס האט אנטהאלטן עטליכע וואוינ-צימערן און קאמאנד-צענטערן וואס זענען גענוצט געווארן דורך די טעראריסטן צו פלאנירן און קאארדינירן אטאקעס קעגן ציווילע בירגער און זעלנער.
לויט די מיליטער, איז די אפעראציע דורכגעפירט געווארן אין די לעצטע 24 שעה דורך זעלנער פון די 810'טע בריגאדע - אויך באקאנט אלס די 'מאונטען בריגאדע' - אינאיינעם מיט די ספעציעלע 'יהלום' קאמבאט-אינזשענירינג איינהייט, וועלכע זענען ספעציאליסטן אין אויפזוכן און חרוב מאכן אונטערערדישע אינפראסטרוקטור.
די מיליטער האט פארעפנטליכט ווידעא קליפס וואס צייגט די אונטערערדישע אינפראסטרוקטור בעפאר עס איז פארניכטעט געווארן, וואס צייגט א ברייטע נעץ פון טונעלן וואס איז פיל מער ווי בלויז פשוט'ע דורכגענג. די מיליטער זאגט אז חיזבאללא טעראריסטן האבן גענוצט די צימערן אלס אפעראציאנעלע פאזיציעס צו פאראויסרוקן זייערע בלוטיגע פלענער קעגן די דערנעבנדיגע ישובים און מיליטערישע קרעפטן אין די געגנט.
די אנטדעקונג לייגט א שטארקע געוויכט אויף די ברייטע אונטערערדישע טעראר-נעץ וואס חיזבאללא האט אויפגעשטעלט אין דרום לבנון צו שטיצן אירע מיליטערישע אקטיוויטעטן. די קרעפטן האבן גענצליך חרוב געמאכט די גאנצע רוט כדי צו פארמיידן אז די טעראר ארגאניזאציע זאל עס קענען ווידער נוצן אין די צוקונפט.
די סוקסעספולע אפעראציע איז א טייל פון די אנגייענדע באמיאונגען פון די מיליטער צו אפרייניגן די צפון גרעניץ פון חיזבאללא אינפראסטרוקטור וואס שטעלט א סכנה פאר די איינוואוינער. די מיליטער האט איבערגעחזר'ט איר צוזאג אז זיי וועלן ווייטער אנגיין מיט פולן קראפט צו באזייטיגן סיי וועלכע סטראשע פון חיזבאללא אין דרום לבנון, און אונטערגעשטראכן די כסדר'דיגע זיכערהייט טשעלענדזשעס ביים צפון גרעניץ, וואו די אונטערערדישע טעראר-באזעס בלייבן א הויפט זארג פאר די זיכערהייט קרעפטן.