בחסדי השם: א שווערע לאסט-אויטא האט זיך איבערגעקערט אויף א טראטואר אין ביתר עילית, אויסמיידנדיג א שווערע טראגעדיע

א שווערע טראק האט זיך זונטאג, נאוועמבער 22, איבערגעקערט אויף א טראטואר אויף די קדושת לוי גאס אין ביתר עילית, וואס האט ברוך השם אויסגעמיטן א שרעקליכע טראגעדיע.

דער עקסידענט האט פאסירט נעבן א קאנסטראקשן סייט. אויף די ארטיגע זיכערהייט קאמערעס קען מען זען דעם שרעקעדיגן מאמענט ווי דער טראק פאלט אום אויף אן ארט וואו עס זענען געווען פארבייגייער ממש דערנעבן, אבער בחסדי שמים זענען זיי געראטעוועט געווארן.

עמערדזשענסי פערסאנאל זענען שנעל אראפגערופן געווארן צום סצענע, און די לאקאלע פייערלעשער האבן ארויסגעהאלפן דעם דרייווער פונעם טראק, וועלכער איז ארויס אינגאנצן אומגעשעדיגט. טראץ דעם געפארפולן אינצידענט, איז ברוך השם נישט באריכטעט געווארן קיין שום פארוואונדעטע.