דעם פארגאנגענעם מיטוואך נאכמיטאג האבן די עלטערע תלמידים פון די בארימטע און אייגענארטיגע ישיבה גבוהה נתיב התורה אין די טאמס ריווער געגנט אין לעיקוואד געהאט די זכי' צו מקבל זיין פני קדשו איינער פון די גדולי ישראל כ"ק אדמו"ר מסקולען שליט"א וואס ווי באקאנט איז די רבי עוסק בטירחא דגברא רבה אין די ענין פון קירוב און אויף די פראזענליכע איינלאדענונג פון די הנהלת הישיבה האט די רבי אוועקגעגעבן פון די טייערע צייט אין די יעצטיגע אלול טעג און אראפגעפארן צו די ישיבה קאמפלעקס

אנקומענדיג האבן די תלמידים מקבל פנים געווען די רבי מיט שירות ותשבחות בתופים ובמחולת

די רבי האט משמיע געווען פלאם פייערדיגע דברות קודש אויף די ענגלישע שפראך איבער ווי חשוב ס'איז צו דינען די הייליגע באשעפער טראץ אלע שוועריקייטן

דערנאך האט מען געטאנצן אויף לעבעדיגע ניגוני שמחה

דערנאך האבן די תלמידים דורך געגאנגען איינציגווייז ביים רבי'ן און מקבל געווען ברכת קדשו ווי די רבי האט פאר יעדעם ווארעם אנגעוואונטשען מיט פיל ברכות צום נייעם יאר