🌴לעיקפראנט אפדעיטס🌴

לעיקפראנט אפדעיטס

כ"ד תשרי תשפ"ז 0 1,477

גיי צום פוסט

[12:57 PM, 5/10/2026] Hello:
[12:58 PM, 5/10/2026] Hello: בס״ד

היסטאריע ווערט געשריבן!

וַיְכוֹנְנוּ עִיר מוֹשָׁב

כלל ישראל לעבט מיט גורל'דיגע און היסטארישע טעג, ווען דער ישוב אין לעיקפראנט ווערט צוביסלעכווייז באזעצט דורך די חשוב'ע תושבים הנחשונים שיחי', וואס שרייבן היסטאריע מיט גאלדענע אותיות.

זיי באזעצן זיך צום ערשטן מאל אויפן באדן אין פלארידע, און פלאנצן די קערנדלעך פון תורה וחסידות אינעם שפאגל-נייעם עיר ואם בישראל.

וַיָּשֶׂם כַּצֹּאן מִשְׁפָּחוֹת

צענדליגער קינדער-געבענטשטע פאמיליעס זענען אצינד אונטערוועגנס צום פראכטפולן ישוב, און נאך צענדליגער טראקס געפינען זיך יעצט אויף די אמעריקאנער שטראזן צווישן ניו יארק און פלארידע, טראנספארטירנדיג דאס האב און גוטס פון די ערשטע הונדערט פופציג משפחות וואס וועלן גליקליך באזעצן די שטאט און אוועקשטעלן איר שטאנדהאפטיגקייט בסייעתא דשמיא.

מוֹסְדֵי דוֹר וָדוֹר תְּקוֹמֵם

די קינדערלעך שיחי' גרייטן זיך אט אט אריינצוגיין אין די פריש געעפנטע מוסדות התורה, נתחנך צו ווערן על במתי התורה והיראה מיט ליבשאפט און געטריישאפט דורך די געטרייע שטאב פון מחנכים ומנהלים שיחי', אונטער די ווארעמע פלארידע זון.

וּבָנוּ בָתִּים וְיָשָׁבוּ

א דעלעגאציע פון דינאמישע בונים ומקימים געפינען זיך שוין אויפן שטח הישוב און ענטפאנגען די ניי-אנקומענדע תושבים הנחשונים, פארזיכערנדיג אז אלעס קלאפט על צד היותר טוב.

וְנִבְנוּ עָרִים עַל תִּלָּם

אונזערע אויגן זענען געוואנדן צום הימל און א תפילה איז אויף אונזערע ליפן, אז דער רבונו של עולם זאל ווייטער שטיין צו דער רעכטער האנט און באגלייטן דעם פראיעקט ווייטער במעגלי צדק.

לְכוּ וְנִבְנֶה

גלייכצייטיג איז דער לעיקפראנט סעילס-שטאב גרייט צו ענטפאנגען פרישע אפליקאציעס פארן צווייטן פאזע, בשעה טובה ומוצלחת. איר קענט אויך זיין א גליקליכער לעיקפראנט איינוואוינער!

פאלגענד קען מען דא זען ווי פאלגענד:
ליינט אינפארמאטיווע שמועס מיט אונזערע לעכטיגע מייסדים׳לעך פון לעיקפראנט, קינדער וועלכע גרייטן זיך איבערצופלאנצן דאס לעבן אין הערליכן פלארידע, אינעם הערליכן איבערגעפרישטן ״קינדליין״ אויסגאבע דעם יו״ט.

יואליש פעלזן אנטפלעקט דעם הערליכן פעקעדזש וואס די משפחות הנחשונים האבן ערהאלטן, לקראת די גורל׳דיגע טעג פונעם זיך אריבערציען קיין לעיקפראנט.

הויפענעס ספרים ווערן געבינדן און פארפאקט אפגעליפערט ווערן צום ביהמ״ד הגדול דלעיקפראנט.

ארבעטער אויפן שטח צייגט דעם עירוב דלעיקפראנט ביים ווערן אינסטאלירט, די פארלאפענע וואך אויפן שטח.

התרגשות׳דיגער מעסעדזש ארויסגעשיקט דורכן געטרייען ר׳ אליעזר פארקאש פון די ׳טאַרגעט׳ טיעם, מעלדט איין פאר די משפחות הנחשונים דלעיקפראנט, אז היינט נאכט וועט פארקומען דער אונטערשטער זום זיצונג, ביזן גרויסארטיגן טאג!