די נאכט איז פארגעקומען אין ווילאמסבורג  א היסטארישע שמחת הבר מצוה פאר א לעכטיג בחור'ל וועמען מען האט ב''ה ארויסגעראטעוועט פון לב טהור הבחור החשוב בנש"ק אלימלך וויינגארטען ני"ו מחשובי תלמידי תלמוד תורה תולדות רפאל קאשוי וויליאמסבורג.
מיט די באטייליגונג פון די געהויבענע זיידע'ס כ"ק אדמו"ר מתולדות רפאל קאשוי שליט"א און הגה"צ מטערצאל - קרית קאשוי שליט"א.

די בר מצוה איז פארגעקומען מיט די השתתפות פון א ריזן ציבור משפחה, און עסקנים, און די גרויסע פילאנטראפן וועלכע לויזן זיך קאסטן אן קיין גבול להציל ידידות שארינו משחת, וועלעכע האבן זיך מיטגעפרייט מיט די גרויסע שמחה, און געדאנקט דעם אייבערשטן אויף די גאולה מעבדות לחירות. פארשטייט זיך אז די אויבנאן איז באשיינט געווארן דורך די געטרייע זיידעס ווי אויך די עלטער פעטערס, כ"ק אדמו"ר מקהל עדת קאשוי שליט"א, כ"ק אדמו"ר מקאשוי שליט"א וואס איז א פעטער פון ביידע זייטן, הגה"צ אב"ד פאיע וראש בי"ד בד"ץ דקי"ל דסאטמאר שליט"א, אב"ד וויטקא ודומ"ץ סקולען שליט"א, אב"ד באגאד שליט"א, הגה"צ דומ"ץ דקי"ל הרב עזרא משה כירא שליט"א, אבד''ק קראלי שליט''א און נאך אדמורי''ם ורבנים וועלעכע געבן זיך אוועק בלב ובנפש פאר די לעכטיגע קינדערלעך.
גאר שטארקע הארציגע דיבורים ביים בר מצוה פון די געהויבענע זיידע כ"ק אדמו"ר מתולדות רפאל קאשוי שליט"א וואס האט מיט גאר הארציגע דיבורים געשטיקט מיט טרערן, געדאנקט די רבונו של עולם פאר די געוואלדיגע חסדים, און באדאנקט און געווינטשן פאר אלע משתתפים, עסקנים, ובפרט פאר הרב ר' אברהם גרינהוט און הרב ר' יואל גרינבוים. והרב יואל יהושע העשיל בלום