מען האט אים געוויזן א בילד פון דוקי, מיט זיין שטענדיגן שמייכל, און מען האט אים געפרעגט:

נאכדעם וואס די יתומים בלייבן אליין, אן קיין טאטע און אן קיין מאמע, ווי אזוי קען מען זיי מחזק זיין און זיי געבן חיזוק?

דער רבי שליט"א האט אנגעקוקט דאס בילד, און מיט א שמייכל געענטפערט:

„ער לעבט!“

דערנאך האט ער געזאגט:

„דער אייבערשטער זאל העלפן אז די משפחה זאל זיך פארמערן, און עס זאלן געבוירן ווערן נאך און נאך קינדער. דאס איז די שמחה אין הימל!

ווען מען קומט ארויף אויבן, וואס איז דארט די שמחה? וואס האסטו דא אויף דער וועלט געטון? אז איך האב זוכה געווען צו זיין פון כלל ישראל.

'שמע ישראל ה' אלוקינו ה' אחד' — דאס וואס דו האסט געפאסט יום כיפור, דאס איז וואס דו האסט אויפגעטון אויף דער וועלט.

אבער דער גרעסטער שכר איז ווען מען ברענגט קינדער אויף דער וועלט און מען גיט זיי א גוטע חינוך.

דערפאר קומט מען אויף דער וועלט — כדי די הייליגע אמונה זאל זיך ווייטער ציען און אנגיין אויף דער וועלט.

דער אייבערשטער זאל העלפן אז די משפחה זאל זיך פארמערן מיט נאך צדיקים און חסידים, ביז עס וועט זיין דער תיקון השלם, מיט'ן אייבערשטנ'ס הילף.“

דערנאך האט דער רבי שליט"א געזונגען א חסיד'ישע תנועה, מנחם אבל געווען די אבלים, און זיי געבענטשט:

„געזונט און רייך און פריילאך!“