אנקלאגע קעגן לינקן אקטיוויסט פאר'ן ברוטאל אטאקירן א 16-יעריגן אידישן פאסטוך און פרובירן צו רויבן זיין אייזל

די פאליציי אין מדינת ישראל האבן אריינגעגעבן אן אפיציעלן 'כתב אישום' קעגן דעם באקאנטן לינקן אקטיוויסט אריק אשרמאן, נאכ'ן פארהאלטן און אויספארשן אן אינצידענט וואו ער האט געוואלדטעטיג אטאקירט א אידישן בחור'ל, א מינדעריעריגער פאסטוך פון בלויז 16 יאר, און פרובירט צו גנב'ענען זיין אייזל.

די דראמאטישע פאסירונג האט זיך אפגעשפילט דעם 3.6.26 אויפ'ן שטח פון א פארם נעבן דעם ישוב רימונים אין בנימין. לויט די דעטאלן אין דער אנקלאגע, איז אשרמאן אנגעקומען צום פלאץ, זיך געווארפן אויפ'ן יונגן אידישן פאסטוך מיט שטופערייען און ווערגערייען, אלעס כדי צו פרובירן אוועקצוכאפן און גנב'ענען זיין אייזל.

אין ווידעא-קליפס וועלכע זענען פארשפרייט געווארן פונעם אינצידענט, זעט מען קלאר די אגרעסיווע האנדלונגען קעגן דעם יונגן פאסטוך, וואס האט ענדליך געפירט דערצו אז די פאליציי זאל אים שטעלן פאר'ן געריכט.