א שיינע ביקור חיזוק איז אפגעהאלטן געווארן דעם מאנטאג נאכט דורך האדמו"ר מקרעטשניף-כפר עטה בקרב תלמידי שיעור ד' דשיכון סקווירא וועלכע וויילן די טעג אויף א געהויבענע נסיעה אין ארצינו הק'.

ביים אנקומען אינעם אכסניא פון די תלמידי שיעור ד' איז דער רבי אפגעווארט געווארן דורך די בחורים וואס האבן מקבל געווען בשירה וזמרה, עטליכע מינוט דערנאך האט מען זיך געשטעלט דאווענען א געהויבענע תפילת מעריב, דער רבי האט עומד געווען לפני התיבה.

נאך מעריב האט מען זיך געזעצט צו א שיינע מסיבת התחזקות ווי מען האט געזונגען עטליכע ניגונים, און דער רבי האט משמיע געווען דברות קודש בענייני שמחה, דערנאך האט מען זיך אויפגעשטעלט אויף ריקודים, און דער רבי האט בלהבות אש קודש געטאנצן און מעודד געווען די טענץ.

דער רבי האט פארטיילט לקח פאר די הנהלה און די תלמידים, און יעדעם באזונדער אנגעוואונטשן ברכות לרוב, דערנאך זיך געזעגנט מיט די בחורים און ארויסבאגלייט געווארן ביז צום גאס.

בילדער : איצי מ.