אידישער סענאטאר רייסט אראפ: אסאף זאגט אז צה"ל האט פארלעצט הומאניטארישע געזעצן בשעת ער פארטיידיגט זיין שטימע איבער וואפן
גאלערי
ווידעאס
בס"ד
דזשארדזשיע סענאטאר אונטער פייער נאכן באשולדיגן מדינת ישראל אין פארלעצן אינטערנאציאנאלע געזעצן
דער אידישער סענאטאר פון דזשארדזשיע, דזשאן אסאף, האט געליפערט א שארפע סטעיטמענט ביי א דעבאטע דעם 8'טן אקטאבער קעגן זיין רעפובליקאנער קעגנער, מאיק קאלינס, ווען ער איז געפרעגט געווארן איבער די מצב אין עזה.
"עס איז נישטא קיין שום ספק ביי מיר אז די מדינת ישראל קרעפטן האבן פארלעצט אינטערנאציאנאלע געזעצן און הומאניטארישע רעכטן דורכאויס די קריג אין עזה," האט אסאף קלארגעשטעלט.
איבער די פראגע צי מדינת ישראל באגייט א "דזשענאסייד" (פאלק-מארד), האט דער סענאטאר זיך אנטזאגט פון ענטפערן, זאגנדיג אז דאס איז א באשלוס וואס באלאנגט בלויז פאר די אינטערנאציאנאלע קרימינאלע געריכט (ICC), וועלכע דארף באשליסן צי די רעגירונג האט געהאט א דירעקטע ציל אויסצוראטן א פאלק.
די שארפע רייד זענען געקומען בלויז איין טאג נאכן אפצייכענען דעם דריטן יארטאג פון די בלוטיגע אקטאבער 7 כאמאס אטאקעס, און איז שנעל פארוואנדלט געווארן אין איינע פון די שטורמישע מאמענטן פונעם אוונט. דורכאויס די דעבאטע האט אסאף אויך פארטיידיגט זיין רעקארד פון שטימען צו בלאקירן געוויסע אמעריקאנער וואפן טראנספערס קיין ארץ ישראל. ער האט זיך פארענטפערט אז כאטש ער זארגט זיך שטארק פאר די זיכערהייט פון מדינת ישראל - וואו ער האט אפילו פאמיליע מיטגלידער וואס וואוינען דארט - רעכנט ער זיך אבער פונקט אזוי מיט די לעבנס פון אומשולדיגע פאלעסטינער.
די קאמענטארן האבן תיכף געצויגן גרויס אויפמערקזאמקייט, קומענדיג אין א צייט פון אנגעצויגנקייט צווישן דעם סענאטאר און טיילן פון די אידישע קהילה אין אטלאנטא איבער זיינע פריערדיגע שטימען קעגן וואפן שיפמענטס. אסאף האט זיך אבער נישט אנטשולדיגט אויף זיין רעקארד, נאר ענדערש ארויסגעברענגט אז מען קען שטיצן מדינת ישראל'ס רעכט זיך צו פארטיידיגן, און אין די זעלבע צייט פאדערן אקאונטעביליטי ווען מלחמה-געזעצן ווערן פארלעצט.
זיין רעפובליקאנער קעגנער, מאיק קאלינס, האט אים שארף אטאקירט דערויף, באשולדיגנדיג דעם סענאטאר אז ער רעדט איין וועג אבער שטימט א צווייטע וועג, און האט אים פארבינדן מיט פראגרעסיווע פאליטישאנס וועלכע זענען קריטיש קעגן מדינת ישראל.
די דעבאטע איז געווען די ערשטע פנים-אל-פנים פארמעסט אינעם קריטישן 2026 סענאט פארמעסט, און האט איבערגעלאזט די וויילער מיט א קלארע בילד וויאזוי אסאף האנדלט מיט איינע פון די סענסיטיווסטע אויסערן-פאליטיק פראגעס. זיין שטעלונג איבער די מלחמה אין עזה טוט שוין יעצט אויפוועקן פרישע דיסקוסיעס איבער גאנץ דזשארדזשיע און איבערן לאנד.
דזשארדזשיע סענאטאר אונטער פייער נאכן באשולדיגן מדינת ישראל אין פארלעצן אינטערנאציאנאלע געזעצן
דער אידישער סענאטאר פון דזשארדזשיע, דזשאן אסאף, האט געליפערט א שארפע סטעיטמענט ביי א דעבאטע דעם 8'טן אקטאבער קעגן זיין רעפובליקאנער קעגנער, מאיק קאלינס, ווען ער איז געפרעגט געווארן איבער די מצב אין עזה.
"עס איז נישטא קיין שום ספק ביי מיר אז די מדינת ישראל קרעפטן האבן פארלעצט אינטערנאציאנאלע געזעצן און הומאניטארישע רעכטן דורכאויס די קריג אין עזה," האט אסאף קלארגעשטעלט.
איבער די פראגע צי מדינת ישראל באגייט א "דזשענאסייד" (פאלק-מארד), האט דער סענאטאר זיך אנטזאגט פון ענטפערן, זאגנדיג אז דאס איז א באשלוס וואס באלאנגט בלויז פאר די אינטערנאציאנאלע קרימינאלע געריכט (ICC), וועלכע דארף באשליסן צי די רעגירונג האט געהאט א דירעקטע ציל אויסצוראטן א פאלק.
די שארפע רייד זענען געקומען בלויז איין טאג נאכן אפצייכענען דעם דריטן יארטאג פון די בלוטיגע אקטאבער 7 כאמאס אטאקעס, און איז שנעל פארוואנדלט געווארן אין איינע פון די שטורמישע מאמענטן פונעם אוונט. דורכאויס די דעבאטע האט אסאף אויך פארטיידיגט זיין רעקארד פון שטימען צו בלאקירן געוויסע אמעריקאנער וואפן טראנספערס קיין ארץ ישראל. ער האט זיך פארענטפערט אז כאטש ער זארגט זיך שטארק פאר די זיכערהייט פון מדינת ישראל - וואו ער האט אפילו פאמיליע מיטגלידער וואס וואוינען דארט - רעכנט ער זיך אבער פונקט אזוי מיט די לעבנס פון אומשולדיגע פאלעסטינער.
די קאמענטארן האבן תיכף געצויגן גרויס אויפמערקזאמקייט, קומענדיג אין א צייט פון אנגעצויגנקייט צווישן דעם סענאטאר און טיילן פון די אידישע קהילה אין אטלאנטא איבער זיינע פריערדיגע שטימען קעגן וואפן שיפמענטס. אסאף האט זיך אבער נישט אנטשולדיגט אויף זיין רעקארד, נאר ענדערש ארויסגעברענגט אז מען קען שטיצן מדינת ישראל'ס רעכט זיך צו פארטיידיגן, און אין די זעלבע צייט פאדערן אקאונטעביליטי ווען מלחמה-געזעצן ווערן פארלעצט.
זיין רעפובליקאנער קעגנער, מאיק קאלינס, האט אים שארף אטאקירט דערויף, באשולדיגנדיג דעם סענאטאר אז ער רעדט איין וועג אבער שטימט א צווייטע וועג, און האט אים פארבינדן מיט פראגרעסיווע פאליטישאנס וועלכע זענען קריטיש קעגן מדינת ישראל.
די דעבאטע איז געווען די ערשטע פנים-אל-פנים פארמעסט אינעם קריטישן 2026 סענאט פארמעסט, און האט איבערגעלאזט די וויילער מיט א קלארע בילד וויאזוי אסאף האנדלט מיט איינע פון די סענסיטיווסטע אויסערן-פאליטיק פראגעס. זיין שטעלונג איבער די מלחמה אין עזה טוט שוין יעצט אויפוועקן פרישע דיסקוסיעס איבער גאנץ דזשארדזשיע און איבערן לאנד.