א קאר דרייט זיך איבער נאכן אריינפאלן אין א 10-פוס לאך אויף א פארנומענע ראוד
גאלערי
ווידעאס
שרעקעדיגע סצענע אין אינדיע: א ריזיגע לאך האט זיך געעפנט אינמיטן א ביזי גאס און איינגעשלינגען א קאר; פאסאזשירן ניצול געווארן בנס
א שרעקליכע סצענע האט זיך אפגעשפילט אין טשעניי, אינדיע, דעם אינדערפרי פון אקטאבער 8, 2026, ווען א טייל פון א ביזי הייוועי נעבן 'טיידעל פארק' האט זיך פלוצלינג איינגעבראכן און ממש איינגעשלינגען א ווייסע קאר לעבעדיגערהייט.
אויף א ווידעא וואס איז פארשפרייט געווארן פונעם אינצידענט, קען מען זען ווי די פראנט רעדער פון די קאר זינקען אריין אינעם איינגעפאלענעם ראוד, און די קאר דרייט זיך איבער און פאלט אריין קאפ-אראפ אין א ריזיגע לאך פון ארום 10 פיס טיף. דער קראך האט פאסירט נעבן אן אונטערערדישע 'מעטרא' קאנסטראקשן סייט, און דער דרייווער האט כמעט נישט געהאט קיין צייט צו רעאגירן.
בחסדי שמים זענען ביידע פאסאזשירן אין די קאר, א מאן און א פרוי, ארויסגעקראכן אומבאשעדיגט, מיט די הילף פון ארומיגע מענטשן און פאליציי וואס זענען געלאפן צו די סצענע זיי ארויסצורעטעווען.
לאקאלע באאמטע געבן אן אז די אורזאך פונעם איינפאלן איז ווארשיינליך געקומען צוליב אן אלטע אונטערערדישע סוער פייפ וואס האט נאכגעגעבן. דאס האט לויט זיי געברענגט אז די ערד אונטערן ראוד זאל זיך צוביסלעך אויסוואשן, ביז עס האט מער נישט געקענט דערהייבן די וואג פון די קארס וואס פארן דערויף.
די לאקאלע מעטרא פירמע האט נאכנישט באשטעטיגט צי די אונטערערדישע קאנסטראקשן ארבעט אין די געגנט האט געהאט א טייל אינעם אינצידענט, אבער די אויטאריטעטן פארשן אויס די פארבינדונג. דער ספעציפישער ראוד איז א הויפט פארקער אדער אין די שטאט, און האט שוין מיטגעמאכט א רייע ענליכע אינצידענטן אין די לעצטע חדשים, וואס האט אויפגעוועקט א שטארקע זארג ביי די פובליק איבער די צושטאנד פונעם ראוד און די שטאטישע פארריכטונגען.
ארבעטער זענען שפעטער אראפגעקומען אויפן ארט ארויסצושלעפן די קאר און אנהייבן אנצופילן און פארזיכערן דעם ריזיגן לאך, אבער דער טראפיק אויפן ראוד איז געבליבן אפגעשטעלט און שווער געשטערט פאר עטליכע שעה נאכן אינצידענט.
א שרעקליכע סצענע האט זיך אפגעשפילט אין טשעניי, אינדיע, דעם אינדערפרי פון אקטאבער 8, 2026, ווען א טייל פון א ביזי הייוועי נעבן 'טיידעל פארק' האט זיך פלוצלינג איינגעבראכן און ממש איינגעשלינגען א ווייסע קאר לעבעדיגערהייט.
אויף א ווידעא וואס איז פארשפרייט געווארן פונעם אינצידענט, קען מען זען ווי די פראנט רעדער פון די קאר זינקען אריין אינעם איינגעפאלענעם ראוד, און די קאר דרייט זיך איבער און פאלט אריין קאפ-אראפ אין א ריזיגע לאך פון ארום 10 פיס טיף. דער קראך האט פאסירט נעבן אן אונטערערדישע 'מעטרא' קאנסטראקשן סייט, און דער דרייווער האט כמעט נישט געהאט קיין צייט צו רעאגירן.
בחסדי שמים זענען ביידע פאסאזשירן אין די קאר, א מאן און א פרוי, ארויסגעקראכן אומבאשעדיגט, מיט די הילף פון ארומיגע מענטשן און פאליציי וואס זענען געלאפן צו די סצענע זיי ארויסצורעטעווען.
לאקאלע באאמטע געבן אן אז די אורזאך פונעם איינפאלן איז ווארשיינליך געקומען צוליב אן אלטע אונטערערדישע סוער פייפ וואס האט נאכגעגעבן. דאס האט לויט זיי געברענגט אז די ערד אונטערן ראוד זאל זיך צוביסלעך אויסוואשן, ביז עס האט מער נישט געקענט דערהייבן די וואג פון די קארס וואס פארן דערויף.
די לאקאלע מעטרא פירמע האט נאכנישט באשטעטיגט צי די אונטערערדישע קאנסטראקשן ארבעט אין די געגנט האט געהאט א טייל אינעם אינצידענט, אבער די אויטאריטעטן פארשן אויס די פארבינדונג. דער ספעציפישער ראוד איז א הויפט פארקער אדער אין די שטאט, און האט שוין מיטגעמאכט א רייע ענליכע אינצידענטן אין די לעצטע חדשים, וואס האט אויפגעוועקט א שטארקע זארג ביי די פובליק איבער די צושטאנד פונעם ראוד און די שטאטישע פארריכטונגען.
ארבעטער זענען שפעטער אראפגעקומען אויפן ארט ארויסצושלעפן די קאר און אנהייבן אנצופילן און פארזיכערן דעם ריזיגן לאך, אבער דער טראפיק אויפן ראוד איז געבליבן אפגעשטעלט און שווער געשטערט פאר עטליכע שעה נאכן אינצידענט.