עקסקלוסיוו: איראנער פרעזידענט לייקנט אפ די נוקלעארע באשולדיגונגען: "בכלל נישט"
גאלערי
ווידעאס
בס"ד
איראנער פרעזידענט אין אן עקסקלוסיוון אינטערוויו מיט פאקס ניוז: "מיר זוכן נישט קיין נוקלעארע באמבע"
דער איראנער פרעזידענט מאסוד פעזעשקיאן האט זיך אראפגעזעצט פאר אן עקסקלוסיווע אינטערוויו מיט פאקס ניוז אנקער ברעט בייער, וואו ער איז געפרעגט געווארן די פראגע וואס יעדער וויל וויסן: צי איראן וויל א נוקלעארע באמבע. בייער האט אים געפרעגט גלייך אויף גלייך, אן קיין דריידלעך, און פעזעשקיאן האט געענטפערט שנעל און שארף, איבערחזר'נדיג צוויי מאל אז די ענטפער איז אן אבסאלוטער ניין.
צו שטיצן זיין לייקענונג, האט ער זיך אנגעלענט אויף רעליגיעזע אויטאריטעט, דערמאנענדיג פריערדיגע פסק'ס פונעם געוועזענעם איראנער העכסטן פירער, אז דאס בויען מאסן-פארניכטונג וואפן איז סיי פארבאטן און סיי אומלעגאל לויט די איראנער רעליגיעזע געזעצן.
ווען בייער האט אים ווייטער געדרוקט און געפרעגט פארוואס איראן רייכערט אוראניום צו א הויכע שטאפל פון 60 פראצענט - וואס איז פיל מער ווי וואס ציווילע קראפט פלאנטן פארלאנגען - האט פעזעשקיאן אוועקגעמאכט די זארג. ער האט טענה'ט אז דאס צוריק אראפברענגען די מאטעריאל איז נישט קיין גרויסע עסק, און ער האט אנגעטראגן צו לאזן אינטערנאציאנאלע אינספעקטארן באשטעטיגן איראן'ס פראגראם אונטער די אינטערנאציאנאלע נוקלעארע אפמאך.
דער אינטערוויו קומט בלויז איין טאג נאכדעם וואס פעזעשקיאן האט אויפגעטראטן ביי די יו-ען דזשענעראל אסעמבלי אין ניו יארק. עס קומט אין די צייט פון א פראגילע שטילשטאנד צווישן אמעריקע און איראן, נאך א קריג וואס האט אויסגעבראכן אנהייב יאר.
פעזעשקיאן האט אויסגענוצט א גרויס טייל פונעם שמועס ארויפצולייגן די שולד אויף וואשינגטאן, טענה'נדיג אז איראן האט קיינמאל נישט געוואלט קיין מלחמה און איז בלויז געצווינגען געווארן זיך צו פארטיידיגן קעגן אטאקעס און סאנקציעס וואס זיי האבן נישט ארויסגערופן. ער האט אויך געלייקנט אז איראן האט פארמאכט דעם 'סטרעיט אוו הארמוז' - א קריטישע אויל רוטע - און האט אונטערגעשטראכן אז די וואסער-וועג איז געבליבן אפן טראץ די מאנאטן-לאנגע אנגעצויגנקייט.
טראץ די שארפע רעטאריק, האט פעזעשקיאן אנגעדייט אז ער איז אפן צו א נייעם אפמאך מיט וואשינגטאן אונטער אינטערנאציאנאלע לעגאלע ראמען. אבער ער האט קלארגעמאכט אז טעהראן יאגט זיך אין ערגעץ נישט און וועט אפווארטן די סיטואציע אויף זייערע אייגענע טערמינען אויב די געשפרעכן וועלן זיך פארהאנקערן.
איראנער פרעזידענט אין אן עקסקלוסיוון אינטערוויו מיט פאקס ניוז: "מיר זוכן נישט קיין נוקלעארע באמבע"
דער איראנער פרעזידענט מאסוד פעזעשקיאן האט זיך אראפגעזעצט פאר אן עקסקלוסיווע אינטערוויו מיט פאקס ניוז אנקער ברעט בייער, וואו ער איז געפרעגט געווארן די פראגע וואס יעדער וויל וויסן: צי איראן וויל א נוקלעארע באמבע. בייער האט אים געפרעגט גלייך אויף גלייך, אן קיין דריידלעך, און פעזעשקיאן האט געענטפערט שנעל און שארף, איבערחזר'נדיג צוויי מאל אז די ענטפער איז אן אבסאלוטער ניין.
צו שטיצן זיין לייקענונג, האט ער זיך אנגעלענט אויף רעליגיעזע אויטאריטעט, דערמאנענדיג פריערדיגע פסק'ס פונעם געוועזענעם איראנער העכסטן פירער, אז דאס בויען מאסן-פארניכטונג וואפן איז סיי פארבאטן און סיי אומלעגאל לויט די איראנער רעליגיעזע געזעצן.
ווען בייער האט אים ווייטער געדרוקט און געפרעגט פארוואס איראן רייכערט אוראניום צו א הויכע שטאפל פון 60 פראצענט - וואס איז פיל מער ווי וואס ציווילע קראפט פלאנטן פארלאנגען - האט פעזעשקיאן אוועקגעמאכט די זארג. ער האט טענה'ט אז דאס צוריק אראפברענגען די מאטעריאל איז נישט קיין גרויסע עסק, און ער האט אנגעטראגן צו לאזן אינטערנאציאנאלע אינספעקטארן באשטעטיגן איראן'ס פראגראם אונטער די אינטערנאציאנאלע נוקלעארע אפמאך.
דער אינטערוויו קומט בלויז איין טאג נאכדעם וואס פעזעשקיאן האט אויפגעטראטן ביי די יו-ען דזשענעראל אסעמבלי אין ניו יארק. עס קומט אין די צייט פון א פראגילע שטילשטאנד צווישן אמעריקע און איראן, נאך א קריג וואס האט אויסגעבראכן אנהייב יאר.
פעזעשקיאן האט אויסגענוצט א גרויס טייל פונעם שמועס ארויפצולייגן די שולד אויף וואשינגטאן, טענה'נדיג אז איראן האט קיינמאל נישט געוואלט קיין מלחמה און איז בלויז געצווינגען געווארן זיך צו פארטיידיגן קעגן אטאקעס און סאנקציעס וואס זיי האבן נישט ארויסגערופן. ער האט אויך געלייקנט אז איראן האט פארמאכט דעם 'סטרעיט אוו הארמוז' - א קריטישע אויל רוטע - און האט אונטערגעשטראכן אז די וואסער-וועג איז געבליבן אפן טראץ די מאנאטן-לאנגע אנגעצויגנקייט.
טראץ די שארפע רעטאריק, האט פעזעשקיאן אנגעדייט אז ער איז אפן צו א נייעם אפמאך מיט וואשינגטאן אונטער אינטערנאציאנאלע לעגאלע ראמען. אבער ער האט קלארגעמאכט אז טעהראן יאגט זיך אין ערגעץ נישט און וועט אפווארטן די סיטואציע אויף זייערע אייגענע טערמינען אויב די געשפרעכן וועלן זיך פארהאנקערן.