וויצע פרעזידענט ווענס זאגט קלאר: די איראנע מלחמה איז שולדיג אין די רעפובליקאנער פארלוסטן ביי די מידטערם וואלן
גאלערי
ווידעאס
טראמפ אדמיניסטראציע זוכט אן אויסוועג פונעם איראנער קריג נאך שווערע פארלוסטן אין די מידטוירם וואלן
בלויז עטליכע טעג נאכדעם וואס די דעמאקראטן האבן אפגעראמט א מאסיווע זיג אין די נאוועמבער 3 מידטוירם וואלן, פלאגט זיך די טראמפ אדמיניסטראציע ווי אזוי זיך אומצוגיין מיטן אכט-מאנאטליכן קריג צווישן אמעריקע און איראן.
די אפיציעלע צילן פון די אדמיניסטראציע זענען אראפצוברענגען די אויל פרייזן, האלטן די ענערגיע פלוס אפן, און מאכן זיכער אז איראן לייגט קיינמאל נישט ארויף קיין האנט אויף א נוקלעארע וואפן, עפעס וואס פרעזידענט טראמפ האט אראפגעשטעלט אלס א פולשטענדיגע זיג.
וויצע פרעזידענט דזשעי. די. ווענס האט עפנטליך דערקלערט אז די רעפובליקאנער האבן פארלוירן די וואלן צוליב די מלחמה. פון זיין זייט האט טראמפ אנערקענט אז איראן איז געווען "א טייל" פון די מפלה, אבער ער האט קלארגעשטעלט אז ער וואלט גארנישט געטון אנדערש. אין דער זעלבער צייט געבן באריכטן אן אז ווענס און סטיווען מילער שטיפן שטילערהייט פאר א פרידנ'ס אפמאך, כאטש וואס דאס איז נאכנישט זעלבסטשטענדיג באשטעטיגט געווארן.
דער סטעיט דעפארטמענט ווארטזאגער טאמי פיגאט האט געמאלדן אויף 'פאקס ניוז' אז די הארמוז אדורכגאס איז אפן פאר אויל - אויסער פאר איראנער אויל - געבנדיג די קרעדיט פאר די שריט וואס אמעריקע האט אונטערגענומען. באריכטן פון די 'עי-פי' נייעס אגענטור צייגן טאקע אז אויל שיפן פארן שוין ווידער אדורך אונטער די שוץ און באגלייטונג פון די אמעריקאנער נעיווי, אפילו בשעת דער קאנפליקט האט זיך שוין פארשפרייט צום רויטן ים.
סעקרעטערי אוו סטעיט מארקא רוביא האט זיך אויפגעהאלטן אינאיינעם מיט טראמפ אין פלארידע בעפאר ער איז אפגעפארן קיין אויסלאנד. לויט באריכטן ארבעטן יעצט פארמיטלער אויף א פלאן אין וועלכע איראן וועט אפשטעלן אירע אטאקעס אינעם אדורכגאס אין אויסטויש אז אמעריקע זאל אראפנעמען איר בלאקאדע.
עקזיט פאולס ווייזן אז בלויז ארום א דריטל פון די וויילער האבן אנגערופן די מלחמה אלס א קריטישע פאקטאר אין זייער שטימע, וואס איז פיל אונטער די אישו פון די הויכע קאסטן פון לעבנסווירטשאפט, אבער אסאך דעמאקראטישע געווינער האבן אנגעוויזן אויף די אויפברויז פון וויילער איבער דעם קריג.
די גרויסע פראגע וואס פליט יעצט אין די לופטן איז צי טראמפ וועט זיך צוריקקערן צו די שווערע באמבארדירונגען וואס ער האט געסטראשעט, אדער וועט ער ענדערש נעמען א פארהאנדלטע אויסוועג בעת די אויל פרייזן בלייבן הויך.