הויפטשטאט אונטער פייער: רוסישע אטאקעס לאזן איבער 8 טויטע, אריינגערעכנט 6 ביי אן אוקריינישע פארם סטארעדזש
גאלערי
ווידעאס
8 אומגעקומען אין פרישע רוסישע מיסיל און דראון אטאקעס איבער אוקראינע
רוסישע דראון און מיסיל אטאקעס דורכאויס די נאכט אריין צו סעפטעמבער 24, 2026, האבן איבערגעלאזט אכט טויטע איבער אוקראינע, לויט ווי ארטיגע באאמטע האבן היינט איבערגעגעבן.
צוויי פערזאן זענען אומגעקומען אין די הויפטשטאט קיעוו, בשעת זעקס אנדערע האבן פארלוירן זייער לעבן ווען א מיסיל האט געטראפן א גרינסן ווערהאוז אויף א פארם אינעם כארקעוו ראיאן. די אטאקעס האבן אויך אנגעמאכט שווערע שאדנס צום פראנט און צו די פענסטערס פון א קימפעטארין שפיטאל אין קיעוו, אבער בחסדי השם זענען קיין פאציענטן אדער מעדיצינישע שטאב נישט פארוואונדעט געווארן. דערצו האבן רעזידענטשעל געביידעס און ענערגיע אינפראסטרוקטור געליטן ערנסטע שאדנס פון די באמבארדירונגען.
אין ווידעא קליפס וואס צירקולירן פון די סצענעס קען מען זען ווי אוקראינישע עמערדזשענסי קרוס נוצן גרויסע קרעינס אפצורוימען ריזיגע שטיקער פון מיסיל ברוכווארג פון א רעזידענטשעל געגנט. אנדערע בילדער צייגן ווי רעטונגס ארבייטער קוקן איבער די חורבנות אינמיטן די נאכט ביים שפיטאל און אנדערע ארומיגע ערטער.
דאס וואס די רוסן האבן געצילט סיי א הויפט שטאט און סיי א רואיגע פארם פאסילעטי, צייגט אויף די ברייטע פארנעם פון די איבערנאכט באמבארדירונגען, און ברענגט ארויס די גרויסע סכנה אין וואס די ציווילע אינפראסטרוקטור און אגריקולטור געמיינדעס געפינען זיך אין די באטראפענע ראיאנען.