שווערע רעגנס פארפלייצן דעם פארט לאדערדעיל לופטפעלד אין פלארידע
גאלערי
ווידעאס
שווערע פארפלייצונגען ביים 'פארט לאדערדעיל' עירפארט אין פלארידע פירט צו פלייט דילעיס
שווערע פארפלייצונגען האבן איבערגעדעקט עטליכע טעקסי-וועיס ביים פארט לאדערדעיל-האליוואוד אינטערנאציאנאלער עירפארט (FLL), בעת מאסיווע רעגנס האלטן אין איין זעצן אויף סאוט פלארידע. דאס האט געפירט צו שווערע שטערונגען פאר פליגערס זיך צו רוקן אויף דער ערד און צוגעברענגט צו פילע פלייט דילעיס.
לויט די באריכטן איז געפאלן 4.83 אינטשעס רעגן זינט האלבער נאכט, און א טאטאל פון 7.65 אינטשעס אין די לעצטע 24 שעה, וואס האט אנגעמאכט ברייטע פארפלייצונגען איבער די גאנצע ראיאן. בילדער און באריכטן פונעם עירפארט צייגן ווי גרויסע טיילן פון די טעקסי-וועיס זענען באדעקט מיט וואסער, וואס האט געצווינגען די באאמטע צו פארמאכן עטליכע ראנאוועיס בשעת ארבעטער האלטן אן אויג אויף די מצב.
טראץ די שווערע אומשטענדן, בלייבט דער עירפארט אפן און פונקציאנירט ווייטער, און פלייטס פארזעצן ארויסצופליען טראץ דעם שווערן וועטער. די פראוויזארישע 'גראונד סטאפ' וואס די פעדעראלע אוויאציע אדמיניסטראציע (FAA) האט ארויפגעלייגט אויף פלייטס וואס זענען אויפן וועג קיין פארט לאדערדעיל איז שוין אויפגעהויבן געווארן, וואס ערלויבט פליגערס צו לאנדן, כאטש עס קען נאך זיין פארבליבענע דילעיס ביז דער עירפארט קומט צוריק צום נארמאלן סדר.
די פארפלייצונגען קומען אין א צייט וואס א 'פלאד וואטש' (פארפלייצונג ווארענונג) בלייבט אין קראפט איבער גאנץ סאוט פלארידע, מיט די מעגליכקייט פון נאך רעגן וואס קען מאכן דעם מצב נאך ערגער. פליגערס קענען ווייטער האבן שוועריגקייטן זיך צו דרייען אויפן טארמאק ווילאנג דאס וואסער בלייבט שטיין און די ארבעטער פרובירן צוריקצושטעלן די אפעקטירטע טעקסי-וועיס.
פאסאזשירן וואס פארן קיין פארט לאדערדעיל דארפן זיך רישן אויף מעגליכע דילעיס און ווערן געראטן זיך צו פארבינדן דירעקט מיט זייערע עירליינס פאר די פונקטליכע אינפארמאציע איבער זייערע פלייטס. מען בעט אויך פון די רייזנדע צו נעמען עקסטרא צייט ווען מען פארט צום עירפארט צוליב די טראפיק און וועטער שטערונגען. כאטש דער עירפארט האט זיך נישט געדארפט אינגאנצן פארמאכן, צייגט די אינצידענט ווי שנעל א מאסיווע רעגן קען אפעקטירן וויכטיגע טראנספארטאציע אינפראסטרוקטור. באאמטע און רייזנדע וועלן ווייטער האלטן א נאנטן אויג אויפן מצב, וויבאלד סאוט פלארידע שטייט אויס די מעגליכקייט פון נאך שווערע רעגנס אין די קומענדיגע שעות.