Loading

טראמפ פאדערט א 50 ביליאן דאלערדיגע איבערמאכונג פאר די עיר טרעפיק קאנטראל: זאגט אז אמעריקע'ס 55-יעריגע סיסטעם איז פארעלטערט

י"א כסלו תשפ"ז

0 20
Main image for טראמפ פאדערט א 50 ביליאן דאלערדיגע איבערמאכונג פאר די עיר טרעפיק קאנטראל: זאגט אז אמעריקע'ס 55-יעריגע סיסטעם איז פארעלטערט

ווידעאס


פרעזידענט טראמפ פאדערט 50 ביליאן דאלאר איבערצומאכן די "אור-אלטע" עיר טראפיק קאנטראל סיסטעם


פרעזידענט דאנאלד טראמפ רופט פאר אן אומאפגעשטיפטע איבערקערעניש און רעפארם אין אמעריקע'ס "עיר טראפיק קאנטראל" סיסטעם, ווארנענדיג אז די לאנד'ס אוויאציע אינפראסטרוקטור אפערירט אויף טעכנאלאגיע וואס גייט צוריק מער ווי א האלבן יארהונדערט. אין זיינע לעצטיגע רעדעס האט טראמפ אראפגעריסן די סיסטעם אלס "55 יאר אלט און עלטער" און עס אנגערופן "אור-אלט". ער האט אנגעוויזן אז צענדליגע יארן פון נוצן אויסגעוועפטע עקוויפמענט האט געמאכט לופט-רייזעס פיל שוואכער און האט צוגעברענגט צו כסדר'דיגע פליגער פארהאלטונגען (דילעיס) אין די עירפארטס.


דער פרעזידענט האט קלארגעשטעלט אז די סיסטעם איז טאקע פארבליבן זיכער, אבער דאס איז בלויז צוליב וואס מען פירט די עיר טראפיק מיט גרויס פארזיכטיגקייט, און מען באגרעניצט די פליגער מאנעוורעס צו פארמיידן סכנות. "עס איז זיכער, אבער עס איז זיכער פאר אן אנדערע סיבה, ווייל מיר טוען עס זייער שטאט," האט טראמפ ערקלערט, אנווייזנדיג אויף די לאנגע ווארט-צייטן און דילעיס אלס א דירעקטע רעזולטאט פון נוצן אלטע טעכנאלאגיע.


ער האט אויך אנטפלעקט אז ער האט דירעקטירט דעם טראנספארטאציע סעקרעטאר, שאן דאפי, נישט צו פארוואסערן קיין איבריגע געלטער אויף צו פליקן און פאררעכטן די אלטע אינפראסטרוקטור, וויבאלד עס גייט סייווי אינגאנצן ריפלעיסט ווערן אלס טייל פון א פולשטענדיגע מאדערניזאציע. די אדמיניסטראציע בעט יעצט פון קאנגרעס בערך 50 ביליאן דאלאר איבערצובויען די לאנד'ס עיר טראפיק קאנטראל נעצווערק, אפגרעידן די עירפארט אינפראסטרוקטור און אריינברענגען מאדערנע טעכנאלאגיע וואס וועט פארבעסערן די עפעקטיווקייט און זיכערהייט.


די דעטאלן פונעם פלאן:


די פארגעשלאגענע 50.1 ביליאן דאלאר אינוועסטמענט וועט דעקן א מאסיווע איבערבוי וואס רעכנט אריין מאדערנע דיגיטאלע קאמוניקאציע, אפגעגרעידטע עיר טראפיק מענעדזשמענט סאפטווער, נייע קאנטראל צענטערן, פארבעסערטע עירפארט פאסיליטיס, און דאס איבערבויען אדער טוישן די אלטע קאנטראל טורעמס. לויט די טראנספארטאציע דעפארטמענט, רעכנט דער פלאן אריין 10.1 ביליאן דאלאר פאר דיגיטאלע אינפראסטרוקטור און עיר טראפיק קאנטראל טעכנאלאגיע, ווי אויך 10 ביליאן דאלאר אפטיילונגען פאר עירפארט אינפראסטרוקטור, טערמינאלן, נייע קאנטראל צענטערן און עיר טראפיק קאנטראל טורעמס.


דער פראפאזאל וועט אויפטוישן 22 יעצטיגע 'עיר רוט טראפיק קאנטראל צענטערן' מיט פינף פאראייניגטע פאסיליטיס, און אין די זעלבע צייט בויען אדער פארבעסערן ביז 140 קאנטראל טורעמס איבער'ן גאנצן לאנד.


די פארלאנג פון די אדמיניסטראציע קומט נאך א נאציאנאלע 'גראונד סטאפ' פריער אין נאוועמבער, ווען טעלעקאמוניקאציע און ראדאר איבעררייסן האבן אויפגעדעקט די שוואכקייטן און לעכער אין די יעצטיגע סיסטעם. קאנגרעס האט שוין פריער באשטעטיגט 12.5 ביליאן דאלאר פאר מאדערניזאציע אין יאר 2025, אבער די אדמיניסטראציע טענה'ט אז פרישע פאנדן זענען נויטיג וויבאלד די פריערדיגע געלטער זענען געווען באגרעניצט פאר ספעציפישע קאטעגאריעס פון אפגרעידס.


דער פלאן שטייט יעצט אויס א שטרענגע איבערזיכט אין קאנגרעס איבער די קאסטן, די צייט-פלאן ווען עס וועט אריינגיין אין קראפט, און די פאראנטווארטליכקייט. געזעצגעבער וועלן ערווארטעט גוט דורכקוקן וויאזוי די פרישע געלטער וועלן ווערן אויסגעגעבן בעפאר זיי באשטעטיגן די אמביציעזע אוויאציע טראנספארמאציע.