ספיקער דזשאנסאן: קאנפליקט מיט איראן האלט ביים ענדע; גאז און גראסערי פרייזן וועלן פאלן ווי נאר די ים רוטעס עפענען זיך

וואשינגטאן. – קאנגרעס ספיקער מאיק דזשאנסאן האט געמאלדן אז די פאראייניגטע שטאטן האלט שוין ביים ענדע פונעם קאנפליקט מיט איראן, און ווי נאר דער מצב וועט זיך אינגאנצן בארואיגן וועט דאס ברענגען א דירעקטע רעליף פאר קאנסומערס.

אין זיינע רייד האט דער ספיקער אנגעוויזן אז די אנגייענדע אומרוען האבן געהאלטן די גאז פרייזן הויך, וויבאלד די הארמוז דורכגאס איז נאכאלץ נישט אינגאנצן אפן און פארזיכערט פאר קאמערציאלע טראפיק. דזשאנסאן האט אויך אנגעמערקט אז די אנגייענדע פראבלעמען אינעם רויטן ים זענען אן אנדערע הויפט פאקטאר וואס האלט די ענערגיע קאסטן הויך.

ער האט קלארגעשטעלט אז ווי נאר מען וועט לעזן די שטערונגען אין די הארמוז דורכגאס, וועט עס האבן א דירעקטע פאזיטיווע ווירקונג אויף די גאז פרייזן. דזשאנסאן האט ווייטער מסביר געווען אז ביליגערע טראנספארטאציע קאסטן דורכ'ן וואסער וועט אויך העלפן אראפברענגען די פרייזן פון גראסערי ארטיקלען, וויבאלד עס וועט קאסטן ביליגער צו פירן סחורה צום מארקעט.

זיינע ווערטער צייגן אן אז די איבערגעבליבענע שיפינג פראבלעמען זענען די הויפט סיבה פארוואס די טעגליכע לעבנס-קאסטן זענען נאכאלץ טייער, אפילו ווען דער ברייטערער קאנפליקט ווערט שוין רואיגער. דערווייל בלייבט אבער אן אפענע פראגע איבער די גענויע צייט-פלאן ווען די וואסער-וועגן וועלן זיין פולשטענדיג פארזיכערט, און ווי שנעל די קאנסומערס וועלן באמת שפירן אן אטעם אויף די פרייזן. דערווייל שטעלט דער ספיקער אראפ דעם מצב אלס איינער וואס ווערט בעסער, כאטש ער איז מודה אז די וויכטיגע ים רוטעס פאדערן נאך א פולשטענדיגע לייזונג.