זיבן אומגעקומענע אין א טראגישן באס עקסידענט אין דרום-מזרח טערקיי
גאלערי
ווידעאס
בס"ד
טערקיי: 7 טויטע און אמווייניגסטנס 13 פארוואונדעטע אין א שרעקליכע באס עקסידענט
זיבן מענטשן זענען אומגעקומען און אמווייניגסטנס 13 אנדערע זענען פארוואונדעט געווארן ווען א פאסאזשירן באס האט געקראכט אין א שווערע עקסידענט אין דרום-מזרח טערקיי, לויט ווי די לאקאלע 'NTV' נייעס אגענטור האט באריכטעט בשם די ארטיגע עמערדזשענסי אגענטורן.
בילדער און ווידעא פונעם סצענע וואס זענען געכאפט געווארן אינמיטן די נאכט, צייגן דעם צעשמעטערטן באס ארומגענומען מיט צענדליגע רעטונגס ארבייטער און די טערקישע 'AFAD' הילפס-אגענטור. אויפ'ן ערד דערנעבן האט מען ליידער געקענט זען עטליכע שווארצע זעק מיט די קערפער פון די אומגעקומענע. די רעטונגס קרעפטן האבן געארבעט פיבערהאפטיג אין די טונקלקייט ארויסצושלעפן די קרבנות פונעם צעקוועטשטן פראם און אפצופירן די פארוואונדעטע צו די ארומיגע שפיטעלער.
דערווייל זענען נאכנישט ארויסגעגעבן געווארן קיין פונקטליכע דעטאלן איבער וואס האט געפירט צום קראך, און די אידענטיטעט פון די אומגעקומענע זענען נאכנישט באקאנט. די אויטאריטעטן זאגן אז זיי וועלן ארויסגעבן מער אינפארמאציע ווי נאר די אויספארשונג גייט פאראויס און דער מצב פון די פארוואונדעטע ווערט קלארער.
דער טראגישער עקסידענט איז ליידער נישט קיין נייע ערשיינונג אויף די טערקישע הייוועיס, וואו טויטליכע באס עקסידענטן פאסירן גאר אפט אין די לעצטע יארן. טערקישע באאמטע ווייזן אן אז איבערגעטריבענע שנעלקייט, מידע דרייווערס, און שוואכע וועגן זענען די הויפט אורזאכן אונטער די טראגעדיעס, וואס קאסטן דאס לעבן פון טויזנטער מענטשן יערליך.
ספעציעל אין דרום-מזרח טערקיי קומען פאר אסאך שווערע קראכן אויף די לאנגע הייוועיס, אפטמאל ביי איבערנאכט רייזעס אזוי ווי דער יעצטיגער פאל. די פרישע סצענעס פון כאאס און טויט וועלן ווארשיינליך ווידער אויפוועקן די אויפברויז ביי די ארטיגע איינוואוינער איבער די שוואכע זיכערהייט און קאנטראל אויף די גאסן איבער'ן לאנד.
טערקיי: 7 טויטע און אמווייניגסטנס 13 פארוואונדעטע אין א שרעקליכע באס עקסידענט
זיבן מענטשן זענען אומגעקומען און אמווייניגסטנס 13 אנדערע זענען פארוואונדעט געווארן ווען א פאסאזשירן באס האט געקראכט אין א שווערע עקסידענט אין דרום-מזרח טערקיי, לויט ווי די לאקאלע 'NTV' נייעס אגענטור האט באריכטעט בשם די ארטיגע עמערדזשענסי אגענטורן.
בילדער און ווידעא פונעם סצענע וואס זענען געכאפט געווארן אינמיטן די נאכט, צייגן דעם צעשמעטערטן באס ארומגענומען מיט צענדליגע רעטונגס ארבייטער און די טערקישע 'AFAD' הילפס-אגענטור. אויפ'ן ערד דערנעבן האט מען ליידער געקענט זען עטליכע שווארצע זעק מיט די קערפער פון די אומגעקומענע. די רעטונגס קרעפטן האבן געארבעט פיבערהאפטיג אין די טונקלקייט ארויסצושלעפן די קרבנות פונעם צעקוועטשטן פראם און אפצופירן די פארוואונדעטע צו די ארומיגע שפיטעלער.
דערווייל זענען נאכנישט ארויסגעגעבן געווארן קיין פונקטליכע דעטאלן איבער וואס האט געפירט צום קראך, און די אידענטיטעט פון די אומגעקומענע זענען נאכנישט באקאנט. די אויטאריטעטן זאגן אז זיי וועלן ארויסגעבן מער אינפארמאציע ווי נאר די אויספארשונג גייט פאראויס און דער מצב פון די פארוואונדעטע ווערט קלארער.
דער טראגישער עקסידענט איז ליידער נישט קיין נייע ערשיינונג אויף די טערקישע הייוועיס, וואו טויטליכע באס עקסידענטן פאסירן גאר אפט אין די לעצטע יארן. טערקישע באאמטע ווייזן אן אז איבערגעטריבענע שנעלקייט, מידע דרייווערס, און שוואכע וועגן זענען די הויפט אורזאכן אונטער די טראגעדיעס, וואס קאסטן דאס לעבן פון טויזנטער מענטשן יערליך.
ספעציעל אין דרום-מזרח טערקיי קומען פאר אסאך שווערע קראכן אויף די לאנגע הייוועיס, אפטמאל ביי איבערנאכט רייזעס אזוי ווי דער יעצטיגער פאל. די פרישע סצענעס פון כאאס און טויט וועלן ווארשיינליך ווידער אויפוועקן די אויפברויז ביי די ארטיגע איינוואוינער איבער די שוואכע זיכערהייט און קאנטראל אויף די גאסן איבער'ן לאנד.