נעפאל אין כאאס: טויטליכע רעגנס פאראורזאכן פארפלייצונגען און ערד-גליטשן אין די מערב דיסטריקטן
גאלערי
ווידעאס
בס"ד
שרעקליכע נאטור-קאטאסטראפע אין נעפאל: אמווייניגסטנס 17 טויטע און פילע פארשוואונדן נאך מאסיווע ערד-גליטשן
א דראמאטישע ווידעא וואס צירקולירט אויף די סאציאלע נעצן צייגט דעם שוידערליכן מאמענט ווי א ריזיגע טייל פון א גרויסן בארג אין נעפאל רייסט זיך אפ און קראכט אריין אין א טאל, שיקנדיג ריזיגע וואלקנס פון שטויב און ברוכווארג אין די לופטן. מ'קען זען אין די קליפ ווי די ערד גליטשט זיך מיט א געוואלדיגע קראפט, רייסנדיג מיט מיט זיך עלעקטריק ווייערס און ביימער, וואס דינט אלס א שרעקליכע דערמאנונג ווי שנעל א קאטאסטראפע קען פאסירן אין די דארטיגע בערגיגע ראיאנען.
כאטש די פונקטליכע לאקאציע און צייט פון די ווידעא איז נאכנישט אפיציעל באשטעטיגט געווארן, שטימט עס מיט די באריכטן פון פילע פלוצלינגדיגע ערד-גליטשן נעבן הייזער און טייכן, אריינגערעכנט ביים 'קאלי גאנדאקי' טייך. דאס קומט נאכדעם וואס שווערע רעגנס האבן אומאויפהערליך געגאסן אין לאנד פון סעפטעמבער 24 ביזן 27'סטן, וואס האט געפירט צו שווערע פארפלייצונגען און לאנדסליידס איבערן גאנצן לאנד, בפרט אין די מערב דיסטריקטן ווי באגלונג, מיאגדי, און מאנאנג וואס זענען געווארן גאר שווער געטראפן.
די צאל קרבנות האלט נאך אינמיטן ווערן געציילט. לויט די יעצטיגע באריכטן זענען דא צווישן 12 און 17 טויטע, און מער ווי א צענדליג מענטשן זענען פארשוואונדן, אבער די אויטאריטעטן ווארענען אז די ציפערן קענען נאך דראסטיש שטייגן.
לאקאלע באאמטע געבן איבער אז די פארפלייצונגען און ערד-גליטשן האבן חרוב געמאכט הונדערטער הייזער, געצווינגען מער ווי טויזנט מענטשן צו אנטלויפן פון זייערע היימען, און איבערגעריסן די עלעקטריק אין עטליכע ראיאנען, אריינגערעכנט מאנאנג, מוסטאנג, מיאגדי און באגלונג. ביי די קאלי גאנדאקי טייך האבן די ווילדע וואסערן חרוב געמאכט א בריק אויפן בעני-דזשאמסאם ראוד, וואס האט אינגאנצן אפגעשניטן עטליכע קהילות אין מוסטאנג און מיאגדי פונעם ארומיגן וועלט. אין באגלונג איז א 69-יעריגער מאן אומגעקומען פרייטאג צונאכטס ווען א מאסיווע לאנדסלייד האט באגראבן זיין הויז.
דאס קומט אין א צייט וואס נעפאל קומט נאך קוים צו זיך פון א קאטאסטראפאלע פארפלייצונג וואס האט פאסירט ענדע אוגוסט, וואו מער ווי 1,400 מענטשן האבן טראגיש פארלוירן זייערע לעבנס. מיט פרישע ווארענונגען איבער מעגליכע 'פלעש פלאדס' אין 49 פון די 77 דיסטריקטן אין לאנד, ווארענען די אויטאריטעטן אז די געפאר איז נאך ווייט פון פאריבער.
שרעקליכע נאטור-קאטאסטראפע אין נעפאל: אמווייניגסטנס 17 טויטע און פילע פארשוואונדן נאך מאסיווע ערד-גליטשן
א דראמאטישע ווידעא וואס צירקולירט אויף די סאציאלע נעצן צייגט דעם שוידערליכן מאמענט ווי א ריזיגע טייל פון א גרויסן בארג אין נעפאל רייסט זיך אפ און קראכט אריין אין א טאל, שיקנדיג ריזיגע וואלקנס פון שטויב און ברוכווארג אין די לופטן. מ'קען זען אין די קליפ ווי די ערד גליטשט זיך מיט א געוואלדיגע קראפט, רייסנדיג מיט מיט זיך עלעקטריק ווייערס און ביימער, וואס דינט אלס א שרעקליכע דערמאנונג ווי שנעל א קאטאסטראפע קען פאסירן אין די דארטיגע בערגיגע ראיאנען.
כאטש די פונקטליכע לאקאציע און צייט פון די ווידעא איז נאכנישט אפיציעל באשטעטיגט געווארן, שטימט עס מיט די באריכטן פון פילע פלוצלינגדיגע ערד-גליטשן נעבן הייזער און טייכן, אריינגערעכנט ביים 'קאלי גאנדאקי' טייך. דאס קומט נאכדעם וואס שווערע רעגנס האבן אומאויפהערליך געגאסן אין לאנד פון סעפטעמבער 24 ביזן 27'סטן, וואס האט געפירט צו שווערע פארפלייצונגען און לאנדסליידס איבערן גאנצן לאנד, בפרט אין די מערב דיסטריקטן ווי באגלונג, מיאגדי, און מאנאנג וואס זענען געווארן גאר שווער געטראפן.
די צאל קרבנות האלט נאך אינמיטן ווערן געציילט. לויט די יעצטיגע באריכטן זענען דא צווישן 12 און 17 טויטע, און מער ווי א צענדליג מענטשן זענען פארשוואונדן, אבער די אויטאריטעטן ווארענען אז די ציפערן קענען נאך דראסטיש שטייגן.
לאקאלע באאמטע געבן איבער אז די פארפלייצונגען און ערד-גליטשן האבן חרוב געמאכט הונדערטער הייזער, געצווינגען מער ווי טויזנט מענטשן צו אנטלויפן פון זייערע היימען, און איבערגעריסן די עלעקטריק אין עטליכע ראיאנען, אריינגערעכנט מאנאנג, מוסטאנג, מיאגדי און באגלונג. ביי די קאלי גאנדאקי טייך האבן די ווילדע וואסערן חרוב געמאכט א בריק אויפן בעני-דזשאמסאם ראוד, וואס האט אינגאנצן אפגעשניטן עטליכע קהילות אין מוסטאנג און מיאגדי פונעם ארומיגן וועלט. אין באגלונג איז א 69-יעריגער מאן אומגעקומען פרייטאג צונאכטס ווען א מאסיווע לאנדסלייד האט באגראבן זיין הויז.
דאס קומט אין א צייט וואס נעפאל קומט נאך קוים צו זיך פון א קאטאסטראפאלע פארפלייצונג וואס האט פאסירט ענדע אוגוסט, וואו מער ווי 1,400 מענטשן האבן טראגיש פארלוירן זייערע לעבנס. מיט פרישע ווארענונגען איבער מעגליכע 'פלעש פלאדס' אין 49 פון די 77 דיסטריקטן אין לאנד, ווארענען די אויטאריטעטן אז די געפאר איז נאך ווייט פון פאריבער.