הונדערטער וויזשניצער חסידים זאמלען זיך ביים קבר יוסף מתפלל צו זיין פארן רבין'ס רפואה
גאלערי
הונדערטער וויזשניצער חסידים פראווען תפילות ביים קבר יוסף הצדיק לרפואת כ"ק אדמו"ר מוויזשניץ שליט"א
הונדערטער וויזשניצער חסידים האבן זיך דאנערשטאג אינדערפרי, נאוועמבער 19, פארזאמלט ביים קבר פון יוסף הצדיק אין שכם, אפצורעכטן ספעציעלע תפילות און מתפלל זיין פאר א רפואה שלימה פאר כ"ק אדמו"ר מוויזשניץ שליט"א.
דער געהויבענער מעמד התפילה איז אנגעפירט געווארן דורך דעם רבי'נס עלטסטער זון, הרה"צ ר' חיים מאיר האגער שליט"א, אינאיינעם מיט זיינע ברידער, הרה"צ ר' יעקב מרדכי האגער שליט"א און הרה"צ ר' יצחק ישעיה האגער שליט"א.
די פילע חסידים האבן איינגעריסן מיט הארציגע תפילות און קאפיטלעך תהלים, מתפלל זייענדיג פאר א רפואה שלימה און א שנעלע ערהוילונג פארן רבין.
ביים מעמד זענען אויך אנוועזנד געווען הרב אליקים לבנון און דער הויפט פונעם שומרון ראיאן קאונסיל, יוסי דגן.