סירישער פירער רייסט אראפ מדנ"י: דער סירישער פרעזידענט באשולדיגט מדנ"י אין אנזייען סכנות אינעם ראיאן אנשטאט זיכערהייט
גאלערי
ווידעאס
בס"ד
סירישער פרעזידענט קריטיקירט מדינת ישראל פאליסיס: "אקטאבער 7 דארף נישט דיקטירן די באציאונגען מיט סיריע"
דער נייער סירישער פרעזידענט, אכמעד אל-שארא, האט אויסגענוצט אן אויפטריט אינעם 'אטלאנטיק קאונסיל' צו קריטיקירן דעם צוגאנג פון מדינת ישראל קעגן זיין לאנד, זאגנדיג אז די אקטאבער 7 אטאקעס דארפן נישט דיקטירן די פאליסיס קעגן סיריע.
אל-שארא, וועלכער איז בעפאר דעם געווען דער פירער פון די 'האיאט טאהריר אל-שאם' גרופע אונטערן נאמען אבו מוחאמאד אל-דזשולאני, און האט איבערגענומען די מאכט נאכן פאלן פונעם לאנג-יעריגן דיקטאטור באשאר אל-אסאד ענדע 2024, האט קלארגעשטעלט אז אמת'ע זיכערהייט ווענדט זיך אין רעספעקטירן איינער דעם צווייטן.
ער האט אנגערופן דאס צוזאמשטעלן סיריע מיט די אקטאבער 7 אטאקעס אלס "אומפאסיג און אומלאגיש", און האט אונטערגעשטראכן אז דאס ברענגט בלויז פרישע זיכערהייט סטראשונגען אנשטאט עס צו לייזן. "אויב וויל מען באשיצן די אייגענע זיכערהייט, מוז מען אנערקענען די זיכערהייט געברויכן פון אנדערע," האט ער געזאגט פאר די אנוועזנדע.
דער סירישער פירער איז געגאנגען א שריט ווייטער, טענה'נדיג אז די יעצטיגע מהלך פון מדינת ישראל צו אנמאכן פראבלעמען אין די ארומיגע לענדער כדי זיך אליינס צו באשיצן, האט זיך ארויסגעשטעלט צו זיין אומעפעקטיוו. ער האט געפאדערט א פונדאמענטאלע טויש אין די מדינת ישראל פאליסיס, ווארענענדיג אז די יעצטיגע סטראטעגיע קען נישט ברענגען קיין לאנג-טערמיניגע סטאביליטעט.
די קאמענטארן קומען אין א צייט פון אנגעצויגענע ראיאנישע שפאנונגען און באריכטן איבער דירעקטע קאנטאקטן צווישן ביידע זייטן, וואס ברענגט ארויף פרישע פראגעס צי א טויש אין די באציאונגען קען עפענען די טיר פאר נייע זיכערהייט אפמאכן אדער ווייטערדיגע דיפלאמאטיע. פאליטישע אנאליסטן קוקן יעצט ארויס מיט שפאנונג צו זען ווי אזוי מדינת ישראל וועט רעאגירן צו די דירעקטע פובליק קריטיק פון דמשק.
סירישער פרעזידענט קריטיקירט מדינת ישראל פאליסיס: "אקטאבער 7 דארף נישט דיקטירן די באציאונגען מיט סיריע"
דער נייער סירישער פרעזידענט, אכמעד אל-שארא, האט אויסגענוצט אן אויפטריט אינעם 'אטלאנטיק קאונסיל' צו קריטיקירן דעם צוגאנג פון מדינת ישראל קעגן זיין לאנד, זאגנדיג אז די אקטאבער 7 אטאקעס דארפן נישט דיקטירן די פאליסיס קעגן סיריע.
אל-שארא, וועלכער איז בעפאר דעם געווען דער פירער פון די 'האיאט טאהריר אל-שאם' גרופע אונטערן נאמען אבו מוחאמאד אל-דזשולאני, און האט איבערגענומען די מאכט נאכן פאלן פונעם לאנג-יעריגן דיקטאטור באשאר אל-אסאד ענדע 2024, האט קלארגעשטעלט אז אמת'ע זיכערהייט ווענדט זיך אין רעספעקטירן איינער דעם צווייטן.
ער האט אנגערופן דאס צוזאמשטעלן סיריע מיט די אקטאבער 7 אטאקעס אלס "אומפאסיג און אומלאגיש", און האט אונטערגעשטראכן אז דאס ברענגט בלויז פרישע זיכערהייט סטראשונגען אנשטאט עס צו לייזן. "אויב וויל מען באשיצן די אייגענע זיכערהייט, מוז מען אנערקענען די זיכערהייט געברויכן פון אנדערע," האט ער געזאגט פאר די אנוועזנדע.
דער סירישער פירער איז געגאנגען א שריט ווייטער, טענה'נדיג אז די יעצטיגע מהלך פון מדינת ישראל צו אנמאכן פראבלעמען אין די ארומיגע לענדער כדי זיך אליינס צו באשיצן, האט זיך ארויסגעשטעלט צו זיין אומעפעקטיוו. ער האט געפאדערט א פונדאמענטאלע טויש אין די מדינת ישראל פאליסיס, ווארענענדיג אז די יעצטיגע סטראטעגיע קען נישט ברענגען קיין לאנג-טערמיניגע סטאביליטעט.
די קאמענטארן קומען אין א צייט פון אנגעצויגענע ראיאנישע שפאנונגען און באריכטן איבער דירעקטע קאנטאקטן צווישן ביידע זייטן, וואס ברענגט ארויף פרישע פראגעס צי א טויש אין די באציאונגען קען עפענען די טיר פאר נייע זיכערהייט אפמאכן אדער ווייטערדיגע דיפלאמאטיע. פאליטישע אנאליסטן קוקן יעצט ארויס מיט שפאנונג צו זען ווי אזוי מדינת ישראל וועט רעאגירן צו די דירעקטע פובליק קריטיק פון דמשק.