מקיים די מצוה איבעראל: אן אינטערעסאנטע בילד פון א איד מיט טלית ותפילין אויף די בערג אין האוואי

אן אינטערעסאנטע און הערליכע אידישע מאמענט איז פאטאגראפירט געווארן אין האוואי, וואו מען זעט א אידישע טוריסט אנגעטוהן מיט טלית און תפילין מיט די הערליכע פאנאראמישע בערג פון די אינזלען אין די בעקגראונד.

דאס בילד איז ארויסגעשטעלט געווארן דורך אמיר דעווידסאן מיט די קעפשען "לייגן תפילין אין האוואי" (Wrapping tefillin in Hawaii) און "עם ישראל חי". דאס בילד צייגט ווי די באקאנטע הייליגע מצוה ווערט אפגעראכטן טויזנטער מיילן ווייט פון די גרויסע אידישע צענטערן.

האוואי פארמאגט עטליכע אידישע קהילות און חב"ד צענטערן, וואס שטעלן צו אידישקייט סיי פאר די לאקאלע איינוואוינער און סיי פאר די פילע אידישע טוריסטן וואס קומען באזוכן די אינזלען דורכאויס דעם יאר.

פון די היימישע אידישע געגנטער ביז א שפיץ בארג אין האוואי, די פלאץ קען זיך אפשר טוישן — אבער די הייליגע מצוה בלייבט די זעלבע.