בס"ד

מדינת ישראל: אומזיסטע פובליק טראנספארטאציע בעפארצוגרייטונג צום בעפארשטייענדן עלעקשאן טאג

די רעגירונג אין מדינת ישראל האט געמאלדן אז אינטערסיטי באסעס און די 'ישראל רעילוועיס' באנען וועלן אפערירן אינגאנצן פריי פון אפצאל פארן פובליק דעם קומענדיגן דינסטאג, אקטאבער 27, ווען עס קומט פאר די אלגעמיינע וואלן. דאס קומט אלס טייל פון די צוגרייטונגען צו מאכן גרינגער פאר בירגער אנצוקומען צו די שטים בודקעס.

די אומזיסטע טראנספארטאציע סערוויסעס וועלן זיך אנהייבן מאנטאג אקטאבער 26, אכט אזייגער ביינאכט, און וועט אנהאלטן ביז דינסטאג ענדע טאג ווען די סערוויסעס ענדיגן זיך.

לויט ווי די צענטראלע עלעקשאן קאמיטע און די טראנספארטאציע מיניסטעריום גיבן איבער, וועט די פראגראם ארייננעמען ספעציפישע אינטערסיטי באס רוטס וואס זענען לענגער ווי 15 קילאמעטער, ווי אויך בארעכטיגטע באן סערוויסעס.

פאסאזשירן וואס פארן מיט די באסעס וועלן נישט דארפן ווייזן קיין איי.די. אדער ארויסנעמען א טיקעט צו קענען פארן אומזיסט. אבער די וואס פארן מיט די באן וועלן יא דארפן ארויסנעמען א ספעציעלע פרייע טיקעט ביי די סטאנציע קאונטערס אדער ביי די טיקעט מאשינען בעפארן ארויפגיין אויפן באן.

די טראנספארטאציע צוגרייטונגען זענען געמאכט געווארן ארויסצוהעלפן איינוואוינער וואס דארפן פארן צווישן שטעט אום עלעקשאן טאג, אריינגערעכנט די וואס דארפן אנקומען צו זייערע רעגיסטרירטע שטים לאקאציעס אינדרויסן פון זייער יעצטיגע געגנט. עס ווערט געראטן פאר אלע רייזנדע צו איבערקוקן די סקעדזשועלס און באשטעטיגן וועלכע רוטס זענען אריינגערעכנט אינעם פראגראם בעפארן ארויספארן, וויבאלד די אומזיסטע רייזעס זענען נישט גילטיג אויף יעדע איינציגסטע פובליק טראנספארטאציע סערוויס.