נתניהו טרעפט זיך מיט ארגענטינער פרעזידענט כאוויער מילעי; באדאנקט אים פאר זיין אומבאדינגטע שטיצע פאר מדינת ישראל

מדינת ישראל פרעמיער מיניסטער בנימין נתניהו האט זיך געטראפן מיטן ארגענטינער פרעזידענט כאוויער מילעי אויף די זייטליניעס פון די יו-ען דזשענעראל אסעמבלי. ביי די זיצונג האט נתניהו אויסגעדריקט זיין טיפע דאנקבארקייט פאר מילעי'ס פעלזן-פעסטע און אומבאדינגטע שטיצע פאר מדינת ישראל.

נתניהו האט אויך גראטולירט דעם ארגענטינער פירער איבער דעם וואס ער האט באקומען די "דעפענדער אוו איזריעל" (מגן ישראל) אויסצייכענונג פון ישיבה דרכי תורה אין ניו יארק.

די צוויי פירער האבן ארומגערעדט איבער די ווייטערדיגע קאאפעראציע צווישן זייערע לענדער און די פאזיטיווע סטראטעגישע טויש וואס קומט יעצט פאר אין לאטיין אמעריקע. זיי זענען געווען איינשטימיג אז דער טויש עפנט די טיר צו פארברייטערן די "אייזיק עקארדס" אונטער די פירערשאפט פון פרעזידענט מילעי, מיט'ן ציל צו פארשטארקן די זיכערהייט און עקאנאמישע פארבינדונגען צווישן מדינת ישראל און נאך לאטיין אמעריקאנער לענדער.

נתניהו האט באטיטלט מילעי אלס איינער פון די גרויסע פירער פון אונזער צייט, און אים אויסגעלויבט פאר די מעכטיגע עקאנאמישע טראנספארמאציע וואס ער האט דורכגעפירט אין ארגענטינע טראץ די שווערע פאליטישע ווידערשטאנד. ער האט געזאגט אז מילעי האט זיך באפרייט פון אלע שטרויכלונגען און געברענגט פרייהייט פאר זיין פאלק, א טויש וואס האט נישט קיין גלייכן אין די מאדערנע עקאנאמישע היסטאריע. דערצו האט נתניהו באדאנקט מילעי פאר'ן כסדר זאגן דעם אמת און זיך אננעמען פאר גערעכטיגקייט, ווערדן וואס ביידע לענדער טיילן אינאיינעם.

אלס ענטפער האט פרעזידענט מילעי זיך באדאנקט פאר נתניהו און אים אנגערופן אלס איינער פון די גרעסטע פירער אין די וועלט היסטאריע.

די ווארימע באגעגעניש לאזט פאליטישע אנאליסטן מיט שפאנונג מיטצוהאלטן ווי שנעל די פארגעשלאגענע פארברייטערונג פון די 'אייזיק עקארדס' וועט פאקטיש אריינגיין אין קראפט איבער דעם ראיאן.