*יודו לה' חסדו ונפלאותיו לפני אדם*

נאך גרויסע באמואינגען און שווערע ארבעט פון די צדק ארגאניזאציע ובראשו הר''ר משה מארגארעטן הי''ו, איז ענדליך געלונגען צו ארויסראטעווען דעם לעצט פארבליבענעם איד פון אפגאניסטאן, ר' זבולון סימן-טוב, און ער געפונט זיך יעצט אין א אנדערע לאנד ב''ה, אריינעמענדיג געוועזענע דעלטא פארס מיליטער לייט און נאך באהאווענטע וואס האבן דורכגעפירט א קאמאנדא סארט אקציע אים ארויסצוזעהן מיט א גרופע פון נאך 29 מענטשן אריינגערעכנט פרויען און קליינע קינדער, וואס זיי האבן שטארק צוגעהאלפן די אמעריקאנער רעגירונג און געווען און א באלדיגע סכנה, צוליב זיכערהייט קען מען לע''ע נישט ארויסגעבן פילע פרטים, און מער דעטאלן וועלן נאכפאלגן בעז''ה.

דאס קומט דערנאך וואס מען האט אים שוין פאריגע וואך אוועקגענומען פון זיין היים שטאט, נאכן באקומען אינפארמאציע פון שפיאנאזש באריכטן פון פריינטליכע לענדער אז די גרופעס אין יענע געגנט וועלן זיך שטארק צולאזן, און ווי עס האט זיך טאקע ארויסגעשטעלט אז נאר 12 שעה שפעטער האט זיך געטוהן שטארקע קריגערייען און שיסערייען, לויט די עדות פון א שכן, וואס האט געשיקט רעקארדירונגען פונעם מצב.

דאס ווערט גערעכנט ביי פאליטיקאנטן א גרויסע דערגרייכונג, דערנאך וואס די לעצטע פאר טעג האט זיך די מצב גאר שטארק פארערגערט דארט, אזוי אז קיינער איז נישט אנגעקומען ארויסצוגיין די לעצטע פאר טעג.

*תחל שנה וברכותיה*