די מדינת ישראל מיליטער האט געמאלדן אז זיי האבן סוקסעספול עלימינירט שאדי אבו כאטירא, וועלכער ווערט באצייכנט אלס א צענטראלער געלט-טוישער און פינאנצירער פאר די מיליטערישע פליגל פון כאמאס. די אטאקע איז דורכגעפירט געווארן דורך א לופט-סטראיק אין די עזה סיטי געגנט.

לויט די מיליטער, האט אבו כאטירא אנגעפירט מיט די אזוי-גערופענע "זשענעווא" עקסטשעינדזש נעצווערק, דורך וועלכע ער האט אריינגעשמוגלט און טראנספערירט צענדליגע מיליאנען שקלים אין אויסלענדישע וואלוטע פאר די טעראר גרופע. די פאנדן זענען גענוצט געווארן צו באצאלן געהאלט פאר כאמאס טעראריסטן, איבערצובויען זייער מיליטערישע אינפראסטרוקטור, און צו פלאנירן פרישע אטאקעס קעגן מדינת ישראל קרעפטן.

די מיליטער גיט איבער אז דער טעראריסט איז אויך געווען פארמישט אין קאמערציאלע אקטיוויטעטן דורך א פירמע וואס האט געהאלפן דורכפירן די געלט טראנספערס, און האט לעצטנס געארבעט אויפצובויען כאמאס'ס מעגליכקייטן, אין א דירעקטע פארלעצונג פונעם יעצטיגן פייער-אפשטעל.

די צה"ל זאגט אז די אטאקע איז דורכגעפירט געווארן מיט גאר פונקטליכע וואפן און מיט די הילף פון דראונס און לופט-אויפזעעריי צו פארמינערן די ריזיקע פון פארוואונדן ציווילע בירגער. די אפעראציע איז א טייל פון די אנגייענדע באמיאונגען פון די מיליטער צו צעשטערן די פינאנציעלע נעצווערק פון כאמאס און צו פארמיידן די גרופע פון זיך צוריק אויפבויען.

די מעלדונג קומט אין א צייט וואס מדינת ישראל האלט אן מיט געוויסע אטאקעס אין עזה טראץ דעם פייער-אפשטעל אפמאך, ווען ביידע זייטן באשולדיגן איינער דעם צווייטן אין פארלעצן די רולס. דאס צילן די פינאנציעלע פירער אונטערשטרייכט די וויכטיגקייט וואס מדינת ישראל לייגט אויף אפצוהאקן די געלט-קוואלן וואס האלטן אויף די טעראר אקטיוויטעטן פון כאמאס אויף דער ערד.