פרייליכע טענץ נאכן ערשטן סליחות אין די מארינא ראשטשא שול אין מאסקווע
גאלערי
ווידעאס
בס"ד
געהויבענע שטימונג און לעבעדיגע טענץ אין די צענטראלע 'מארינא ראשטשע' שול אין מאסקווע נאך די ערשטע סליחות
א געהויבענע און לעבעדיגע אטמאספערע האט זיך געשפירט אין די צענטראלע 'מארינא ראשטשע' שול אין מאסקווע, ווען באלד נאך די ערשטע סליחות האבן זיך די חסידים ארויסגעלאזט אין פייערדיגע ריקודים אין די פריע פארטאגס שעה'ן.
אין ווידעא קליפס וואס זענען פארשפרייט געווארן פונעם מעמד, קען מען זען ווי עלטערע חסידים טאנצן מיט גרויס התלהבות, בשעת אן אנדערער באטייליגטער זעצט זיך אראפ ביים פיאנא און שפילט הערליכע ניגונים צו באגלייטן די פרייליכע טענץ.
די ריקודים זענען געקומען אלס א המשך צו אן אנגעפאקטע נאכט אין די מאסקווער שול, וואו הונדערטער אידן האבן זיך פארזאמלט מוצאי שבת צו א ווארימע חסידישע פארברענגען, און דערנאך צוזאמען געזאגט די ערשטע סליחות פון יאר.
דאס קומט אין א צייט וואס די אידישע קהילה אין מאסקווע גרייט זיך צו א גאר פארנומענעם חודש תשרי. די 'מארינא ראשטשע' שול איז לעצטנס אריבער א רייע איבערבוי ארבעט און מאסיווע רענאוואציעס לקראת די ימים נוראים, מיט די ערווארטונג אז טויזנטער אידן וועלן אדורך גיין די שול אין די קומענדיגע וואכן פון די ימים טובים.