*זעקס ספרי תורה בחסדי ה’ ארויסגעראטעוועט געווארן נאך העלישע פייער ביי שוהל אין ארלענדא*

פלארידע - א העלישע פייער האט אויסגעבראכן היינט נאך שחרית ביי די חב"ד שוהל אין ארלענדא וואס האט אנגעזייט שווערע שאדן פאר די געביידע, די פייערלעשער האבן שווער געארבעט צו פארלעשן די ווילדע פלאמען וואס איז ווארשיינליך געקומען פון אלטע יארצייט לעכט וואס האבן געהאלטן אינמיטן ברענען, קיינער האט זיך ב"ה נישט געפונען אין די געביידע אין די צייט פונעם העלישע פייער.

נאך וואס  די פייער איז געברענגט געווארן אונטער קאנטראל איז דער רב הרב שלום דובאוו אריין אין ביהמ"ד און גלייך צוגעלאפן צום ארון הקודש מיט זארג צו זעהן וואס האט פאסירט מיט די ספרי תורה, מ׳האט שנעל ארויסגענומען די ספרי תורה און באמערקט אז זיי זענען בחסדי ה’ בלויז לייכט געשעדיגט געווארן אויף עטליכע עמודים פון די וואסער ביים אויסלעשן די פייער, וואס קען גרינג פארראכטן ווערן, הרב דובאוו זאגט אז עטליכע פאר טלית ותפילין זענען ליידער יא פארברענט געווארן און די שוהל וועט ארויסגיין אויף א קאמפיין צו קענען איבערבויען די געביידע וואס האט געליטן פום שווערע שאדנס.

*זעמל*,