א גרויסע מעמד קבלת פנים פארגעקומען היינט פארמיטאג אין שאפראן קעמפ פאר מרן אדמו''ר מסאטמאר שליט''א וואס איז געקומען זיין סנדק לבן הנולד אצל הרה''ג יודא פירטה שליט''א מו''ץ בקייט''ל.

הגה''צ אב''ד שאפראן שליט''א האט אויפגעטרעטן און מקבל פנים געווען דעם גדול הדור און ארויסגעברענגט די גדלות וואס מ'האט די זכי' נשיא אלוקים בתוכינו. און דערנאך האט ער געבעטן די רבי שליט''א זאל אויפטרעטן מיט דברות קודש והדרכה און די רבי האט א לענגערע צייט ארום גערעדט דברי התחזקות ללימוד התורה, שטייענדיג אין א טאג פון חמשה עשר באב, ווי די גמרא זאגט מאן דיוסיף יוסיף חיי. און ארויסגעברענגט די געהויבענע שטריכן פון די מחותן די שאפראן רב זצ''ל.