עטליכע שווערע וואלד פייערן ברענען שוין עטליכע טעג אין די האדסאן וואלי ראיאן ברענגענדיג שווערע רויעך אין א שארפע פייער גערוך אין די געגנטער ארום אריינגערעכנט מאנסי, שיכון סקווירא, קרית יואל, און בלומענבורג, 

צענדליגע פייער דעפארטמענט'ס אריינגערעכנט די חברה מצילי אש ד'קרית יואל געפונען זיך אויפן סצענע אין גרינוואוד לעיק וואס איז צווישן מאנסי און קרית יואל צו באקעמפן די העלישע וואלד פייער וואס ברענט דארט, דאס קומט נאכדעם וואס די לאקאלע אראנדזש קאונטי 911 דיספעטש צענטער האט ארויסגעגעבן אן עמערדזשענסי מעלדונג פאר אלע פייער דעפארטמענטס פון גאנץ אראנדזש קאונטי צו אנטיילנעמען אין די אפעראציעס צו ברענגען די פייער אונטער קאנטראל,   

ניו יארק סיטי מעיאר עריק עדעמס האט אויך אדרעסירט די וואלד פייערן וואס ברענען אין די סיטי אריינגערעכנט אין פראספעקט פארק נעבו בארא פארק און אין סענטראל פארק אין מאנהעטן,

די פילע פייערן קומען נאך די שווערע טריקעניש אין די טריי סטעיט ראיאן דערנאך וואס עס איז נישט געפאלן קיין רעגן באלד צוויי חדשים ברענגענדיג א געפארפולע סכנה פון שווערע וואלדפייערן וועלכע קענען זיך בליץ שנעל פארשפרייטן אויף ריזיגע שטחים, 

דערווייל איז באריכטעט איין אומגעקומענע פייערלעשער וועלכע א בוים איז ארויפגעפאלן אויף אים און ער איז אומגעקומען אויפן פלאץ ה"י 

בילדער קרעדיט: ראמאפא באאף