בס"ד

עקספערט ווארנט: איראן קאנטראלירט וויכטיגע אויל רוטעס בשעת אמעריקאנער אויל רעזערוון האלטן ביים אויסלויפן

סטיווען שארק, אן ענערגיע עקספערט און דער אנפירער פון די 'שארק גרופע', האט ארויסגעשטעלט א קלארע בילד ווי אזוי איראן האט אויסגעברייטערט איר קאנטראל און איינפלוס אויף די סאמע וויכטיגסטע אויל דורכגאסן אינעם מיטל מזרח. ער האט אנגעוויזן אז איראן קאנטראלירט יעצט די 'סטרעיט אף הארמוז' און 'באב על מאנדעב' רוטעס, קומענדיג נאך א רייע אטאקעס אויף סאודי אראביע'ס אינפראסטרוקטור און דאס פארמאכן וויכטיגע פייפליינס, וואס דאס אלעס האט שטארק באגרעניצט די גלאבאלע אויל סופליי.

אמעריקאנער רעזערוון אין א קריטישע צושטאנד

שארק האט געווארנט אז די אמעריקאנער 'סטראטעגישע אויל רעזערוון' וועלן זיין אויסגעשעפט ביז אירע נידריגסטע אפעראציאנעלע לימיטן ביז קומענדיגן נאוועמבער, נאכדעם וואס די רעגירונג האט כסדר ארויסגעלאזט אויל פון די רעזערוון מיט'ן ציל צו באקעמפן די הויכע פרייזן. די יעצטיגע רעזערוון האלטן ביי ארום 285 מיליאן בארעלס, אין א צייט וואס מען פרובירט כסדר צו סטאביליזירן דעם מארקעט.

פרייזן שפרינגען

די פרייזן פון 'ברענט קרוד' אויל זענען געשטיגן צו ארום 107 דאלאר א בארעל דעם סעפטעמבער 2026, וואס דאס האט צוגעברענגט אז די דורכשניטליכע פרייז פאר א גאלאן גאזאלין אין אמעריקע זאל האלטן ביי ארום 4.33 דאלאר. די קאמבינאציע פון א באגרעניצטע סופליי און די קלענער ווערנדע עמערדזשענסי רעזערוון האט געהעכערט די זארג איבער פרישע אומסטאביליטעט אין די פרייזן.

שארק's אנאליז ברענגט ארויס די שוואכקייט פון די גלאבאלע ענערגיע מארקעטס אין פאל פון א פארלענגערטע קאנפליקט אינעם ראיאן, און די קליינע קאפאציטעט וואס איז נאך פארבליבן אין די אמעריקאנער רעזערוון. עס בלייבט א גרויסע פראגע צייכן ווי לאנג די יעצטיגע שריט וועלן קענען דעקן די מאנגל אין סופליי, און וועלכע פרישע מיטלען מען וועט דארפן נעמען אויב די שטערונגען וועלן אנהאלטן.