בס"ד 

ירושלים - א משלחת פון מפעל "מאה ברכות בכוונה" איז אין די יעצטיגע טעג זייער ווארעם אויפגענומען געווארן אין שטוב פון הגה"צ רבי יעקב מאיר שעכטער שליט"א. ווי ברייט באקאנט האט זיך די הערליכע מפעל געגרינדעט איבער א יאר צוריק, ווען די קאראנא וויירוס האט אנגעהויבן בוזשעווען איבער די גאנצע וועלט , וואס די מיסיע איז צו פארשפרייטן ביי כלל ישראל די חשיבות פון זאגן יעדע טאג די מאה ברכות מיט כוונה.

ווי באקאנט האט דוד המלך מתקן געווען אז אידן זאלן זאגן די מאה ברכות יעדע טאג, בשעת א מגיפה וואס האט געבוזשעוועט אין זיין צייט, און דורך דעם האט זיך די מגיפה אפגעשטעלט, און צוליב די זעלבע מטרה איז די מפעל געגרינדעט געווארן, וואס ווי באקאנט איז כלל ישראל אדורך זייער שווערע טראגעדיעס די לעצטע תקופה אנגעהויבן מיט די קאראנא ,און אין אתרא קדישא מירון און ערב שבועות אין די קהילה קדושה סטאלין, און צום לעצט אין סורפסייד פלארידע, און דורך דעם וואס אידן נעמען זיך אונטער צו זאגן די "מאה ברכות" יעדע טאג מיט כוונה, ווערט מען ניצול פון אלעם בייזן.

די מפעל געבט ארויס יעדע וואך ספעציעלע פלאקאטן וואס ווערט פארשפרייט אין אלע היימישע געגענטער, איבער די חשיבות פון זאגן די "מאה ברכות בכוונה" יעדע טאג, געבויט אויף הערליכע געדאנקען פון די ספרים פון הגה"צ רבי יעקב מאיר שעכטער שליט"א. עס איז אינטרעסאנט צו אנמערקן אז הגה"צ רבי יעקב מאיר שליט"א האט זיך אויסגעדריקט פאר איינע פון די עסקנים ביים אנהייב פונעם קאראנא וויירוס אז "ווער עס זאגט "מאה ברכות" בכוונה יעדן טאג, האט נישט וואס מורא צו האבן פונעם וויירוס ווייל דאס איז די גרעסטע שמירה". ביים ענדע פון די באזוך האט רבי יעקב מאיר שליט"א אנגעוואונטשן די געטרייע עוסקים במלאכת הקודש בזה הלשון, יישר כח ס'איז מיר א מורא'דיגע זכיה אז דאס ווערט פארשפרייט, די אייבישטער זאל העלפן אז די שפע זאל אראפקומען אויף אלעמען און עס זאל נשפע ווערן ברכות עד בלי די