בכבוד הראוי האבן תושבי טאראנטא מקבל געווען את פני הקודש פון כ"ק אדמו"ר מסקולען שליט"א לעיקוואד, וועלכער איז אנגעקומען אויף א געהויבענע ביקור חיזוק אין שטאט מחזק צו זיין די ארטיגע אידנטום, און אריינבלאזן עמערס פון חיזוק און השפעות פאר די תושבי העיר.

די הויכפונקט פונעם געהויבענעם באזוך איז געווען די גרויסע שבת עונג הנפשות שבת משפטים אין שטאט טאראנטא, וואס איז געפראוועט געווארן מיט א זעלטענע התעלות מבואו ועד צאתו, אינעם ריזן זאל אין בנין תפארת בית יעקב, במקהלות אלפי תושבי העיר וואס זענען געקומען זיך דערווארעמען בצילא דמהימנותא, דער רבי שליט"א האט געהאט די אכסניא אין שטוב פון הרבני הנגיד ר' פייוויש העללער מגדולי תומכי המוסדות, און לאנגיעריגער בעל אכסניא פון הרה"ק מסקולען זי"ע.

מיטוואך משפטים נאכמיטאג איז דער רבי אפגעפלויגן מיט א פליגער פון ניו דזשערזי קיין טאראנטא, אנקומענדיג איז דער רבי צוגעפארן לבית האכסניא, און אויפגענומען א געקליבענע צאל נגידים לעצה ולברכה.

שפעטער ביינאכט איז דער רבי אנגעקומען אין שטוב פון הרב הגאון ר' יו"ט ליפא פריעדמאן ראש כולל שומרים לבוקר, וואו עס איז פארגעקומען א מלכות'דיגע קבלת פנים לכבודו פונעם רבי'ן. דער רבי איז אנטפאנגען געווארן בשירה וזמרה, און פארגעזינגען ניגוני קודש און אויפגעטרעטן מיט דברות קודש. צווישן אנדערע האבן זיך באטייליגט די רבני העיר: הרב מרדכי כהנא אב"ד קול יעקב, הרב דוד פאם אב"ד זכורן שניאור, הרב יהושע פירער אב"ד באבוב, הרב יעקב קויפמאן אב"ד תהלת ישראל, הרב יאיר אדלער אב"ד שערי שמים, הרב דוד פאלאק אב"ד אהלי יו"ט, ר חיים מרדכי ראזנבוים בן האדמו"ר מקרעטשניף רחובות און נאך.

דאנרעשטאג פארמיטאג האט דער רבי באזוכט אין די שטאטישן תלמוד תורה יסודי התורה, וואו עס איז פארגעקומען א מעמד קבלת פנים אינאיינעם מיט די הונדערטער ילדי התלמוד תורה. דער רבי האט אויפגעטרעטן מיט דברי חיזוק פאר די קינדער, און צווישן אנדערע מעורר געווען איבער זיך שניידן די טשופעס און פארטיילט שיריים פאר די מלמדים, און זיך אויפגעשטעלט אין א לעבעדיגע טאנץ.

נאכמיטאג האט דער רבי אויפגעטראטן מיט שיחת קודש אין ביהמ"ד הגדול באבוב אין שטאט און די ארטיגע מתפללים זענען אריבער שלום גענומען א לענגערע צייט. כחצות הלילה האט דער רבי אויסגעזאגט גאנץ ספר תהילים כנהוג בימי השובבי"ם.

אויף שבת קודש זענען געקומען צו פארן איבער הונדערט געסט פון לעיקוואד און אנדערע שטעט, מיטצוהאלטן די געהויבענע שבת בצל הקודש, די תפילות און טישן זענען פארגעקומען אין די בנין פון תפארת בית יעקב, וואו עס איז אהערגעשטעלט געווארן א ספעציעלע היכל צום דאווענען, און א באזונדערע היכל פאר די טישן מיט הויכשטאקיגע פארענטשעס צו קענען אקאמאדירן דעם ריזן ציבור המשתתפים. טויזענטער תושבי העיר האבן באלאגערט דעם זאל ביי די תפילות און טישן זיך צו דערווארעמען בצל הקודש אויפן סקולענער שטייגער.

פרייטאג צונאכט'ס האט דער רבי געדאווענט אין ביהמ"ד קול יעקב, ווי דער רבי האט פארגעדאווענט קבלת שבת פאר'ן עמוד און דערנאך זענען הונדערטער תושבי העיר אריבער וואונטשן גוט שבת און שלום געבן פארן גרויסן גאסט. די סעודה פאר די געסט איז פארגעקומען אין א באזונדערע זאל אינעם בנין בית יעקב, וואו עס האט אויפגעטרעטן בנו הגדול פון רבי'ן הרה"צ ר גבריאל יודא פארטוגאל אבד"ק דקהילתינו און לעיקוואד.

צען אזייגער ביינאכט איז דער רבי אריינגעקומען צום טיש, פארגעזינגען די זמירות כנהוג אויפן סקולענער נוסח, דער רבי האט קידוש געמאכט און משמיע געווען דברות קודש. עס האבן זיך אנגעזעהן גדולי רבני העיר וואס זענען מכובד געווארן מיט ניגונים, און מיטן בענטשן האט דער רבי מכבד געווען הרבני הנגיד רבי שמואל לעמיל פון טאראנטא.

שבת אינדערפרי זענען די עליות פארקויפט געווארן פאר גרויסע סכומים לטובת החזקת המוסדות, דער רבי האט געדאווענט מוסף, און דערנאך אפגעראכטן א קידושא רבא לרגל הולדת הבת ביי הנגיד ר' יודל גראס און אויפגעטרעטן מיט דברות קודש. מיטאג טיש האט דער רבי געפירט בבית האכסניא, וואו עס האט זיך באטייליגט א גרויסע ציבור חסידים און תושבי העיר און א עקסטרע סעודה איז פארגעקומען פאר די צענדליגע בחורי חמד און די זאל פון קול יעקב בראשות הרה"צ ר גבריאל יהודה בנו הגדול פון אד"ש און די ראש חבורה הר"ר חיים יודל עסטרייכער.

ביי שלש סעודות האט זיך ווידער אנגעזעהן א ריזן ציבור תושבי העיר, און דער רבי האט משמיע געווען דברות קודש דברי חיזוק והדרכה. דער רבי האט געבענטשט על הכוס און נאך מעריב געמאכט הבדלה און משמיע געווען סיפורי קודש נאכן פארייכערן די ציגערעטל כנהוג . שפעטער ביינאכט איז דער רבי אנגעקומען אין שטוב פון הנגיד ר' אברהם שמואל גראס און אפגעראכטן די סעודת מלוה מלכה, און דערציילט סיפורי צדיקים.

זונטאג תרומה האט די רבי געדאוונט שחרית און ביהמ"ד נועם אלימלך ליזענסק אזוי אויך איז פארגעקומען עטליכע רייכע באנקעטן לטובת די רבי"ס קופת צדקה צדקת רייזל מנחה און ביהמ"ד שואבי מים און דערנאך באזוכט ביים רב הרה"ג ר יאיר אדלער שפעט אויפדערנאכט איז דער רבי אנגעקומען אויף א באזוך ביקור חולים בבית המרא דאתרא הרה"ג ר יעקב יחזקיה סופר שליט"א גאב"ד טאראנטא פאר איבער א שעה צייט .

מאנטאג נאכמיטאג איז די רבי אנגעקומען אויף א באזוך און די באבוב"ע תלמוד תורה וואו די רבי האט אויפגעטראטן מיט דברות קודש פאר די קינדער, מנחה און ישיבת משכן התורה די חסידישע ישיבה און שטאט דברו"ק פאר איבער א שעה און אהאלב, נאכמיטאג איז פארגעקומען קבלת קהל פאר עטליכע שעה מעריב בבית הנגיד ר שמואל לעמל . דינסטאג שחרית און ביהמ"ד באבוב און דערנאך א באזוך ביים רב הרה"ג ר יהושע פירער עם ראה"ק דבאבוב נאכמיטאג האט די רבי באזוכט ביי הרה"ג ר משה מרדכי לאווי אב"ד אגודת ישראל ווי עס איז אויך פארגעקומען א חאלאקע דורך רבינו שליט"א פאר א אייניקל פונעם רב , מנחה און ביהמ"ד תהלות ישראל און דערנאך באזוכט ביים רב הרה"ג ר יעקב קויפמאן און אויפגענומען עטליכע נגידים אינעם צימער און ביהמ"ד. מיטוואך שחרית און באבוב די עולם איז דורך זיך געזעגענען ביים רבי"ן און די נאכמיטאג שעות האט זיך די רבי ארויסגעלאזט אויפן וועג צום לופטפעלד ווי די רבי האט געלאנדעט ארום פיר אזייגער און נוארק לופטפעלד און תיכף צוגעפארן קיין מאנסי אויף תפילת מנחה און דערנאך זיך צוריקגעקערט לביתו נאווה קודש און לעיקוואד.