למי יחפוץ המלך לעשות יקר יותר ממנו

 געהויבענער מעמד לחיים וקנין זכות, בביתו נאוה קודש פון רבינו הקדוש מסאטמאר  זי״ע אויף 500 בעדפארד עוועניו.

אינאיינעם מיט הנגיד המפורסם בונה ומקים עולמות של תורה, דער לעגענדארער טפסר מרומם, הנדיב האדיר הרה״ח ר׳ משה שמואל זופניק הי״ו, אינאיינעם מיט בנו העושה והמעשה אביר העסקנות העושה צדקה וחסד לאלפי רבבה הרה״ח ר׳ יואל ישראל זופּניק הי״ו

וואו ס׳איז דערביי בנוכחת כ״ק אדמו"ר מסאטמאר שליט״א ובהתייעצות קדשו באשטימט געווארן צו קורא שם זיין פאר׳ן גאנצן בית חינוך לבנות פון מוסדות ״יטב לב״ בירושלים עיה״ק, אין אלע אפטיילונגען און בנינים, מיט׳ן נאמען ״בנות ישראל - בית פיגא״, לשמה ולזכרה פון הרבנית הצדיקת ע״ה מחברתו הטהורה פון רבינו הקדוש מסאטמאר זי״ע, פאר׳ן אסטראנאמישן ״״סכום אדיר ועצום פון 2 מיליאן דאלער״!!!

וגדול המעשה יותר מן העושה - וכל מעשה תקפו וגבורתו

דער היסטארישער מקח איז צושטאנדגעקומען בהשתדלות הרבני החסיד המרומם איש גבור החיל למען כל בית סאטמאר, הרבני החסיד רבי משה פריעדמאן שליט״א משב״ק, איש אמונו וסודו פוןכ"ק בעל ברך משה זי״ע ויבלחט״א כ״ק מרן אדמו"ר מסאטמאר שליט״א, וואס האט בחכמתו ובינתו ופעולתו באגלייט דעם גאלדענעם מקח צום סוקסעספולן גמר בסייעתא דשמיא.

אזוי אויך איז דערמאנט געווארן לשבח ולתהלה הרבני החסיד מוה״ר אפרים יוסף עפשטיין שליט״א, זקן העסקנים פון מוסדות יטב לב, וועלכער איז מיט זיין לאנגיאריגער ידידות מיט׳ן נדיב הרה״ח ר׳ משה שמואל שליט״א געווען שטארק בייהילפיג צו ברענגען דעם מקח מכח אל הפועל.

כ״ק אדמו"ר מסאטמאר שליט״א האט ארויסגעברענגט אז דאס וועט זיכער זיין די גרעסטע עלי׳ פאר די נשמה פון הרבנית הצדיקת המפורסמת ע״ה וואס האט זיך מוסר נפש געווען פאר אלע מוסדות פון רביה״ק זי״ע ובפרט לטובת די הייליגע מוסדות יטב לב בארה״ק, און ס׳וועט זיין א נחת רוח פאר רבינו הקדוש זי״ע בגנזי מרומים, און אוודאי וועט דער צדיק אמת זיין א מליץ יושר פאר׳ן נדיב הדגול יבלחט״א להתברך בכל משאלות לבבו לטובה עד עולם.