בנו בכורו פונעם רבין זצוק"ל הגה"צ ר' חיים יודא לייבוש שליט"א ביים פארליינען די צוואה

ובכן בך יכתירו: חסידי ביאלא האבן היינט פארמיטאג זיך געוואונטשן מזל טוב נאך די הכתרה פון הרה"צ רבי יצחק יוסף דוב ראבינאוויטש שליט"א אלס ממלא מקום אביו כ"ק אדמו"ר מביאלא זצ"ל. די הכתרה איז אויסגערופן געווארן ביים מעמד "קיום בית צדיקים", אין ביהמ"ד הגדול ביאלא אין ירושלים, נאכדעם וואס האחים הרבנים שליט"א האבן זיך אויפגעשטעלט פון די שבעה, ווי בנו בכורו פונעם רבין זצוק"ל הגה"צ ר' חיים יודא לייבוש שליט"א אב"ד שערי תורה מאנטשעסטער האט פארגעליינט די צוואה וואס דער רבי זצ"ל האט ביי אים מפקיד געווען בשנת תשע"א. דער ביאלא רבי הגה"צ רבי יצחק יוסף דוב שליט"א איז געווען דער פערטע זון ביים רבי'ן זצ"ל, דער רבי איז געבוירן י"ד טבת תשכ"ה אין געיטסהעיד, ענגלאנד, און בשנת תשמ"ז האט דער רבי חתונה געהאט מיט הרבנית תליט"א טאכטער פון כ"ק אדמו"ר מקאפיטשניץ שליט"א. יאריך ימים על ממלכתו!

אידישע נייעס