Loading

די חשוב'ע עלטערן שיחיו שעפן נחת פון די פארהער אין תלמוד תורה קאסע גראנדע, אריזאנא יצ"ו

י"ט שבט תשפ"ב

0 2,841
Main image for די חשוב'ע עלטערן שיחיו שעפן נחת  פון די פארהער אין תלמוד תורה קאסע גראנדע, אריזאנא יצ"ו

ט"ו בשבט תשפ"ב – מיר שטייען נאך אונטערן רושם פון די הערליכע פארהער וואס איז פארגעקומען אין די היימישע חסידישע געגענט אין קאסע גראנדע, אריזאנא יצ"ו, ווי הרה"ג ר' מנחם מענדל גאלדבערגער שליט"א אבד"ק רימאנוב וואס איז פקיע שמיה מיט זיינע שיינע ספרים שלחן הזהב, אויף בשר בחלב, און תערובות, האט זיך גענומען די טירחא אריבער צו קומען אין די תלמוד תורה כנסת יהושעצו פארהערעןדי צאן קדשים די תינוקות של בית רבן, ארויסברענגענדיג אז אין דעם טאג  ווי חמשה עשר בשבט וואס מען מאכט די ברכות אויף די פירות, איז דבר בעתו מה טוב, צו פארהערן מס' ברכות, עס איז ממש געווען צו באוואונדערן די ארבעט פון זייער חשוב'ן מלמד הר"ר משה ברוינשטיין שליט"א.

עס איז ממש געווען א נחת צו הערן ווי די ערשטע שאלה איז געווען אויב עס שטייט דא א מעשה פון א חתונה, און די קינדער האבן אזוי הערליך דערציילט די מעשה  פון די ערשטע משנה, ווי רבן גמליאל'ס קינדער זענען אהיים שפעט פון א חתונה, און געהאט א שאלה וועגן לייענען קריאת שמע. 

אויך זיך אפשטעלענדיג ביי די מחלוקת פון בית הלל און בית שמאי, האט דער רב שליט"א ארויסגעברענגט אז די הלכה איז ווי די בית הלל, כאטש די בית שמאי זענען געווען מער שארפער אין לערנען, נאר וויבאלד די בית הלל זענען געווען מער רויאיגער איינער צום אנדערן וכו', און נאכ'ן פארהער האט א גרעסערער אינגל זיך אנגערופן: "אויב דער רב ווייסט אז ווען משיח וועט קומען וועט זיין די הלכה ווי בית שמאי?..." און דער פסק האט נישט געשפעטיגט צו קומען, אז ער ווייסט אויך דערפון, נאר ער האט עס נישט געוואלט זאגען פאר די אינגערע קינדער (וואס מ'קען זיי נאך נישט מסביר זיין אז די בית הלל זענען חסד, און דערווייל דארף זיך די וועלט פירן מיט חסד, און נישט ווי בית שמאי וואס זענען גבורה, אבער ביי די גאולה שלימה וועט מען זיך יא קענען פירן ווי בית שמאי)! און אז ער זאל זיך ארויסלערנען אז אפילו אויב מ'ווייסט עפעס וואס אנדערע זאגען נישט, מוז מען עס נישט באלד אויסשרייען.

מען האט אויך באזוכט ביי די אנדערע קלאסן, צום ערשט ביי די כתה פון הר"ר משה אברהם ברוין שליט"א, און מעורר געווען אויף כיבוד אב ואם, אז די נאכטמאל ווערט נישט געקאכט פון זיך אליין, און די זויבערע וועש וואס מען טרעפט צופרי גרייט, ווערט  אויך נישט פון זיך אליין, נאר די געטרייע מאמע גרייט עס אן, און מען דארף עס אנערקענען און זיך באדאנקן, אמונה, שכר ועונש, נישט גנב'ענען, נישט זאגען קיין ליגענט, ועוד, יעדע קלאס לויט זיין דרגא.

צום לעצט איז מען אריין ביי די העכסטע כתה, וואס ווערט געפירט דורך כ"ק אדמו"ר מדינוב שליט"א, און דער רב שליט"א האט מעורר געווען די זכיה וואס זיי האבן צו מקבל זיין תורה פון אזא אדם גדול.

אויך האט דער רב דערציילט, ווי ער געדענקט נאך אלץ קינד, ווי זיין מנהל הרה"ח הישיש ר' זלמן בינער ז"ל האט געזאגט פאר די קינדער אז דער פסוק זאגט, אל תגעו במשיחי אלו תינוקות של בית רבן, אז עס איז דא דעות אז משיח וועט זיין איינער פון דעם דור, קען דאך זיין אז משיח לערנט אין דיין קלאס, און ווען ח"ו א אינגל טשעפעט א אנדערען אינגל, קען דאך זיין אז ער איז משיח, און משיח האסטו געטשעפעט!

מען האט אויך ארויסגעברענגט פארוואס די וואכעדיגע פרשה שטייט זכור את יום השבת, נעבן כבד את אביך ואת אמך, ווייל שבת קודש איז די בעסטע געלעגענהייט צו מקיים זיין כיבוד אב ואם.

די מלמדים און די חשוב'ע תלמידים האבן באקומען א שיינע מתנה, אויך האבן די תלמידים באקומען אהערליכע כתב הצטיינות.

ונהיה אנחנו וצאצאינו כולנו יודעי שמיך ולומדי תורתיך לשמה.