א רוסישער מיסיל האט מאנטאג נאכט, דעם 12טן אקטאבער, געטראָפן א שטח נעבן דער ״אור אבנר״ אידישער שולע אין כארקאוו, אוקראינע, און פאראורזאכט גרויסע שאדנס אין די ארומיגע געביידעס. נאך דער אטאקע זענען רעטונגס מאנשאפטן ארויסגעקומען זוכן מענטשן וועלכע זענען מעגליך פארכאפט געווארן אונטער די חורבות, מיט דער הילף פון דער ארטיגער אידישער קהילה.

די חב״ד שולע איז נישט דירעקט באטראפן געווארן, און לויט א זיכערהייט וועכטער זענען נישט געווען קיין פארוואונדעטע. דער מיסיל האט אבער אנגעמאכט שווערע שאדנס אין דער ארומיגער געגנט, און די רעטונגס אגענטורן האבן זיך געאיילט צו זוכן איינוואוינער וועלכע זענען מעגליך געבליבן פארכאפט אונטער די חורבות. כארקאוו'ס מעיאר, איהאר טערעכאָוו, האט געמאלדן אז די רעטונגס איינהייטן ארבעטן צו דערגרייכן די מענטשן וועלכע זענען מעגליך פארכאפט געווארן.

פון דער אידישער קהילה האט מען זיך אנגעשלאסן אין די הילפס ארבעט און ארויסגעהאלפן די איינוואוינער וועלכע זענען באטראפן געווארן פון דער אטאקע. די קהילה פירט אן ברייטע הילף אפאראט דורכאויס דער מלחמה, און נאך די לעצטע אטאקעס זענען צענדליגער אידן געגאנגען אין די געשעדיגטע געגנטער, וואו זיי האבן פארטיילט וואסער, פרישע ברויט און וויכטיגע עסנווארג פאר משפחות וועמענס היימען זענען חרוב געווארן אדער געשעדיגט. זיי האבן אויך געשטיצט די איינוואוינער און זיי מחזק געווען אין די שווערע צייטן.

הרב משה מאסקאוויטש שליט״א, רב העיר כארקאוו און דער לאנג יעריגער חב״ד שליח אין שטאט, האט אונטערגעשטראכן אז די אידישע קהילה וועט ווייטער טון אלעס וואס זי קען צו באשיצן אירע מוסדות און העלפן די ארטיגע איינוואוינער, טראץ דער אנגייענדיגער סכנה. נאך דער אטאקע האט ער געמאלדן אז די ״אור אבנר״ שולע איז ערווארטעט ווידער צו עפענען דעם קומענדיגן אינדערפרי, און אז די קהילה איז באשלאסן ווייטער אנצוהאלטן דעם תורה חינוך טראץ די שווערע אומשטענדן.

די אטאקע קומט נאך עטליכע טעג פון רוסישע באמבארדירונגען אויף כארקאוו, אוקראינע'ס צווייט גרעסטע שטאט, וואו די אטאקעס האבן פאראורזאכט גרויסע שאדנס אין וואוינגעגענטער. טראץ דער אנגייענדיגער סכנה, האלט די אידישע קהילה אן מיט אירע מוסדות און איר הילפס ארבעט לטובת די איינוואוינער וועלכע זענען באטראפן געווארן פון דער מלחמה.