הגאון ר' מלכיאל קאטלער שליט"א, ראש ישיבת לעיקוואד, אנגעקומען צום ווייסן הויז פאר היסטארישע מיטינג מיט פרעזידענט טראמפ

הגאון ר' מלכיאל קאטלער שליט"א, ראש ישיבה פון בית מדרש גבוה אין לעיקוואד, איז דאנערשטאג אנגעקומען צום ווייסן הויז, וואו עס קומט פאר א היסטארישע מיטינג צווישן פרעזידענט דאנאלד טראמפ און א דעלעגאציע פון גדולי ישראל, אדמו"רים און רבנים.

ביים אנקומען צום ווייסן הויז, האט דער ראש ישיבה קורצליך געענטפערט אויף פראגעס פון רעפארטערס בעפארן אריינגיין אינעווייניג. אויף די פראגע צי ער פלאנט צו געבן א ברכה פאר פרעזידענט טראמפ דורכאויס די מיטינג, האט ר' מלכיאל אנגעדייט אז נישט. ווען מ'האט אים געפרעגט צי דער זון פונעם סקווערער רבי'ן וועט געבן א ברכה פארן פרעזידענט, האט דער ראש ישיבה געענטפערט אז ער וועט זיך צושטעלן צו וואס די אנדערע רבנים וועלן טון.

דאס אנקומען פונעם לעיקוואדער ראש ישיבה איז א טייל פון די ברייט-באוואכטע דעלעגאציע פון רבנים וואס זאמלען זיך איצט אינעם ווייסן הויז פאר די גאר וויכטיגע באגעגעניש מיטן פרעזידענט, יעצט אין די טעג בעפאר דעם יום הדין ראש השנה.